الأربعاء، 14 يناير 2009

أم الزين

تعليق بعثت به متابعة دار عزيزة ... علمنا منه أنها تعرضت لحادث مروري جماعي بسبب رعونة شاب
تخرعنا عليك يا أم الزين .... تطمنت شوية إنك علقتي .... طمنينا أكثر عنك وعن اللي معاك
ويا جماعة الخير إلى متي هالطفاقة ؟
يعني أكيد ... لا مودي ياهل الطبيب وحالته خطره ؟
ولا رايح تقدم إمتحان متأخر عليه ؟
يعني ما في سبب لكل هالرعونه اللي نشوفها ؟
الله حفظك يا الغالية
وما تشوفين شر

هناك 11 تعليقًا:

enter-q8 يقول...

ما تشوف شر ان شاء الله

Unknown يقول...

خطاج السو يا ام الزين ... شر وعدى ان شاء الله

esTeKaNa يقول...

خطاها السو ان شاء الله

um.alzain يقول...

عزيزتي nikon8 شكرا على مشاعرك الطيبه واهتمامك لا اراك مكروه ,وسبب الحدادث استهتار مراهق وسرعه فائقه الاخ سايق 200فرحان باليسن ويبتون بين السيارات والشارع مزدحم فصدم سياره اصدمتنا ورد بسلامته صدمنا مره ثانيه فدخلنا في الصبه تخيلووووو والله فلم رعب وماكفاه دعم 4سيارات بعدنا , في ثواني 6سيارات ماشين بحال سبيلهم يندعمون ويتسبب في اضرار جسيمه طبعا انصبنا وتعورنا وجات الاسعاف والمحزن ان سائق الاسعاف ياي بوجه عنكريره موكفايه علينا الخرعه والالم وجاي يزف تدرون ليش لاني قلت له مافيني كسر بس رضوض قويه وابي ثلج شنو رده على انتي دكتوره ؟فجاوبته بالرفض وقلت له مشيت من سيارتي للاسعاف اشلون يعني لوكسر ماتحركت من مكاني "وسبب خروجي من السياره لانها دخنت وبأي لحظه تنفجر من غلات الروح صرت بات مان " فقال ماعندنا ثلج والمفروض ماتمشين عليهاوعاقد النونه .الله وكبر بس رفضت اتجاوب معاه واخترت سيارة الاسعاف الثانيه لانه فعلا انسان وهم مافي ثلج ولامسكن بس كمام بنج , بش وصلنا المستشفى ولاريولي ضاربه ورام تكتل دم ماقلنالكم من الاول علاجي الثلج ,لولا رحمة الله جان رحنا من كيس اهلنا وحلوانا دفعت بلوانا ENTER-Q8 الشر مايجيك ويخطيك بأذن الله وشكرا على كلماتك الطيبه. مشكوره كويتيه بحرينيه خطاك اللآش ويحفظك ربي ويسلمج. كل الشكر esTeKaNa الله لايروعك ويكافيك شر الحوادث . ومره ثانيه كل الشكر لك nikon8والله يحفظك و يخليك لكل حبايبك . وياغافلين لكم الله

Salah يقول...

خطاج السو

غير معرف يقول...

Nikon8

شكرا أنك طمنتينا على أم الزين ,الله سبحانه قدر ولطف

وخطاك السوء يا أم الزين وسلامات

ولاننسى ربط الحزام لأن الحوادث زايدة وتمنياتنا للجميع بالسلامة

nikon 8 يقول...

Enter-Q8
كويتيه بحرينيه
esTeKaNa
Salah
إليكم جميعا خطاكم اللاش ... والله يبعدكم عن الحوادث وشرها

nikon 8 يقول...

أم الزين
العفو يا أم الزين
ما سوينا لك شي ... المهم تكونين بينا وتعلقين ويانا :)

nikon 8 يقول...

daggero
العفو ... وهذي مهمة أهل الدار ناس تتفقد ناس :)

um.alzain يقول...

salah خطاك اللآش شكرا . daggero الله يسلمك من الشر ويحفظك ربي .

Manal يقول...

الحمد لله على السلامة