الاثنين، 11 مايو، 2009

نذر فتحية

فتحية عليها نذر إن خلصت الإنتخابات راح تكت نون من سطح بيتها على الحوش وبتعزم كل وحده متأزمة مثلها من الإنتخابات !!!!
أزمة فتحية ليست بسبب الدعوات للإستماع للندوات الإنتخابية وما يعقبها من عشاء وليست بسبب الإتصالات التي تسألها إنتي معانا ؟ نكتب إسمج بالقائمة ؟
وليست بسبب كثرة البرامج التلفزيونية الإنتخابية ؟
أزمة فتحية بسبب تغير سلوك زوجها عليها !
تقول : لم يعد ذلك الزوج اللي يرد علي عند عصياني لأوامره ( بدون قصد طبعا ): ما علموج بالدين والمدرسة إن المرة لازم تطيع كلام زوجها ؟!
لم يعد ذلك الزوج اللي يتنرفز من وجود أهلي وعيالهم في منزله وليس أهله هو ؟!
طالع لي هالأيام بطبع جديد ..... صار يلح علي لدعوة صديقاتي في منزلنا ويقول لي عزميهم علي شاي الضحي وإلا مسيان وإستانسي معاهم وبعدين خليني أمر عليكم وأسلم وأحدثهم عن كيفية إختيار المرشح إشلون تكون ؟
كان زوجي يتضايق بالسابق من وجود صديقاتي في بيتنا لوقت متأخر .... كان إذا دخل البيت وشافهم عندي .... أشكره يرد عليهم السلام ونفسه بخشمه .... وساعات يقول لهم : ما عندكم بيوت ولا رياييل تسأل عنكم ؟ روحوا بيوتكم !
من بدت الإنتخابات وصار يعمل كمفتاح إنتخابي لأحد المرشحين ... صار شخص ثاني .... مفرداته تغيرت علي .... كلامه ومديحه للمرأة غريب على أذني وزايد حبتين .... من بعد ما كان يلح على بناته إنهم يتحجبون ( وحده متحجبة وثنتين غير محجبات ) صار يحرص على حضور بناته الغير محجبات بالذات وصديقاتهم لندوات صاحبه المرشح !!!
ما كان ذاك الشخص السيء ... بالعكس ... هو زوجي وحبيبي وبوعيالي وأطباعه هي اللي ميزته عندي بزينها وشينها .... وقايم في بيته وعياله ... وفيني :)
يحترمني جدا .... ومعاملته للحريم بصفة عامة جيدة ونابعة من حسن تربيته بدون حاجة لكلمات مديح ومجاملات مصطنعة ... ولكنه كأي رجل قائم على أسرة كانت له قوانينه في المنزل .... وهذا طبيعي جدا لكل ولي أمر .
زوجي حاليا صار شخص غريب علي وعلى عياله ..... متقمص شخصية بعيدة تماما عنه .... مسالمة للمرأة بزيادة ... متغزل لودها .... يخشى معارضتها .... وكل شي نبيه صار يمشي وملبى .... ويتفاخر بذلك أمام من يتكلم معهم كنوع من الدعاية لصاحبة المرشح ..... في البداية ( عنفصت ) من الوناسة وقلت حق بناتي حلو يا بنات خلونا نسوي اللي بخاطرنا ....... ولكني الحين مليت وحنيت لزوجي اللي أعرفه !
أتمنى تخلص الإنتخابات اليوم قبل باكر .... وأسويله برنامج أعادة تأهيل مكثف لترجع شخصيته المسلوبة ( بسبب تأثره بجو الإنتخابات ومحاولة التأثير على النساء لكسب أصواتهن ) ويرجع ذاك الشخص الحمش ... اللي ينهيني عن أي شي مو عاجبه بدون خوف من أي رد فعل مني يأتي عكس هواه
أبي أتخلص من مفردات الكلمات اللي مو لايقة على شخصيته وتحفظهم لزوم الصنعة !!!
وأهم شي ... أهم شي .... يرجع يحط راسه على المخده بالليل بدون نغمات شخير وونات التعب اللي أسمعها هذي الأيام واللي كل مالها وتزيد مع إقتراب موعد التصويت !

هناك 34 تعليقًا:

um_alzain يقول...

مساء الخير عزيزتي
والله ولهت على سوالفج الحلوه
فعلا يبيله اعادة تأهيل من الشيزفرينيا الي حايشه الكل
الكل تغير كلامهم وتصرفاتهم ومبادئهم!!

هانت مابقى الا القليل
ويرد الحال لوضعه الطبيعي انشالله .

بن جبلة يقول...

آسف
بس ما لاحظتوا
آثار دخول المراة للمعترك السياسي
ابتدت بطيبة الابراهيم
مرورا بأسيل
وأخيرا زوج فتحية

شرايكم؟؟
مع احترامي للجميع

4 يقول...

hathe 2l-meshkela

wagt 2l-2nte'7abat shay
w 3gb shay thany


ksarat '7a6ree

rayelha ra7 '9a7eyat 2lmorasha7een 2le 3ala a6al

fatto يقول...

لووووووووول .. ان صار الريال حمش ماعجبنه ون صار اليف هم ماعجبنه لوول .

بس صح والله .. اذا تعودتي على طبع شخص حتن لو يظايق ما ودج يتغير .. لأنج حبيتي من طبعه وشخصيته :)


ازهب جيس حق النون :)

زهرة الرمان يقول...

صباح الورد على هالدار العزيزة


ضحكني زوج فتحيه .. :)


و يا كثر المرشحين اللي متقمصين الدور نفس زوج فتحيه ..


صايريين وايد اجتماعيين و مناصريين للمرأة
و حب الكويت و التفكير بمصلحة البلاد والعباد مقلقه مضاجعهم .. وخدومين لو ناقصج شي من الجمعيه وطلبتيه لصاروا لج سايق :)

chandal/danchal!! يقول...

أبي أحضر النون!

I7na 3shagnaha يقول...

ويقولون الحريم ناقصات

عيل الرياييل شيطلعون ؟؟

أكره ما علي اللي فجأة يغير موقفة و يتحول و يتحور حسب المصالح

و ياكثرهم

نون النساء يقول...

يختج والله الحريم ماينعرفلهم :/

الله يعين المرشحين اللي يخطبون ودها قصدي صوتها
:)


.
.


وثاانكس على الملاحظات
تدرين انج قلتي شغلات انا ماكنت منتبهه لها ابداً ..

:**

Mr_CHoCoLaTe يقول...

هههههه

فوائد قومٍ عند قومٍ مصائب

اول مره ادري ان الانتخابات فيها فوايد من هالنوع هي هي

اللي تخلي لسان بعض الرياييل حلو و تعاملهم حلو

تحياتي

Manal يقول...

lol

Nikon

I will wait for her nooon from the roof of the house

:)

allah la y3'ayer 3aleha zojha
even after the election ya rab

salmy 3aleha

:)

Yin مدام يقول...

مسا الخير والبركة



اللي يبي نون شلون؟؟


ترى صعب الواحد يتقبل تغيير كبير كهذا ومفاجىء بشريك حياته !!

بس تغييره حلو !!


وإذا كان تغييره عن إقتناع ومبدأ الله لا يغيره عليها ويحفظه لهم :))

مشكورة على البوست ..أول مرة تمر علي حالة جذي !!
عادة الأشخاص بالإنتخابات يتغيرون برة البيت وجدام الناس .. بس داخل البيت وبين أهلهم جديدة علي :))

نهــــــــــار يقول...

السلام عليكم....
صراحه كلـــه بصوب ...
والشخير صوب ...
الله يعينها ...
ولا تنسون تعزموني على الحفله ....

daggero يقول...

Nikon 8

مقيولة

الحى يقلب

وكل أنتخابات والكل بخير

Sn3a يقول...

سبحان الله
حتى الابو تغير على بناته بسبه هالانتخابات

ذكرتيني بقائمه بكليه من الكليات
كانو مشكلين بوسترهم بس مو بشكل رسمي
جان تقولهم رفيجتي بحكم الميانه انتو كل نظامكم حجاب وعبي انا نظامي مختلف ومابي احد يحكمني بلبس وطريقه دراسه وغيرها
الله وكيلج نفس اليوم العصر بالاجتماع مال القائمه نزلو بنت سفور ومن هالامور

المصالح تخلي الواحد يغير مبدأه سواء كان المبدأ صح او غلط

AseeL يقول...

اكيد موعود بخوش مبلغ من المرشح

:)


اعرف وحدة محدد مصير صداقاتها بالبنات بتصويتهم لزوجها!!


سلامي لك

Enter-Q8 يقول...

و الله قاعد احاتي فتحية صج مو غشمرة
اذا المرشح اللي يدعمه زوجها خسر بالانتخابات
على قولتنا
يالليل الليل

Nikon 8 يقول...

um_alzain
حيا الله أم الزين ... فقدناج؟
لا يكون صايره مفتاح إنتخابي وعلشان جذيه لاهية عن التعليق ؟؟

Nikon 8 يقول...

بن جبلة
ما في داعي للأسف ... مشاركة المرأة السياسية غيرت كثيرا في أساليب المرشحين في ندواتهم ....وغيرت أكثر في نتائج الإنتخابات :)
هذه هي الحقيقة !

Nikon 8 يقول...

4
هانت راح يرجع لطبعه قريبا :)

Nikon 8 يقول...

fatto
زهبي الكيس :)
عاد فيج شده على المخامط :))

Nikon 8 يقول...

زهرة الرمان
يا هلا بزهرة الرمان :)
كلها باكر والساعة 8 مساء راح تسقط الأقنعة وكل يرجع لطبعة !!!
الي يصد واللي ما يسلم واللي مو بصوب المرأة من الأساس :(

Nikon 8 يقول...

chandal/danchal!!
حياج الله :)

Nikon 8 يقول...

I7na 3shagnaha
اشوة في إنتخابات تطلع لنا أصناف البشر على حقيقتها !!!

Nikon 8 يقول...

نون النساء
حياج الله :)
وحاضرين على الدوام :))

Nikon 8 يقول...

Mr_CHoCoLaTe
مو بس الرياييل صار لسانهم حلو !
حتى الحريم صار لسانهم حلو :)

Nikon 8 يقول...

Manal
هلا بالغالية منال :)
الله يسلمج ... عموما هانت باكر إنشاء الله الساعة 8 بعد إنتهاء الإنتخابات راح يرجع الريال لطبيعته :)

Nikon 8 يقول...

Yin مدام
الريال متغير داخل البيت لأنه يدري إشكان يسوي بالضيوف :)
في الإنتخابات نشوف العجب العجاب !

Nikon 8 يقول...

نهــــــــــار
حياكم الله في النون :)

Nikon 8 يقول...

daggero
وإنت بخير وسلامة :)

Nikon 8 يقول...

Sn3a
شفتي يا سنعة ؟
كل شي يصير ... المهم يجلب أصوات :)

Nikon 8 يقول...

AseeL
يا هلا بأسيل :)
عاد جذيه أكره إسلوبها مكشوف ؟
الله يعينهم :)

Nikon 8 يقول...

Enter-Q8
ريل فتحية يعمل مع مرشح يعمل مع تيار معين ... نتائج الإستبيانات اللي صارت تقول إنه ناجح ولكن مركزه في الأخير وإحتمال يكون بعد الأخير :(

daggero يقول...

Nikon8


قلنا نبارك الفوز النسوى المتميز قبل لا تنزلين بوست جديد علشان نحصل البشارة


وزهبى نفسك حق الأنتخابات القادمة كمرشحة

ومن الحين تبدين بالتخطيط

Nikon 8 يقول...

daggero
شكرا يا أخي العزيز :)
فعلا أجهز نفسي لدور فاعل للمرأة ولكن ليس عن طريق الترشيح لمجلس الأمة
:)
ليس لنقص فيني ولكن لقناعتي بإن ليس كل من أعجب بنفسه يعني أن يترشح للمجلس !!!
هناك مجالات عديدة يستطيع الإنسان أن يكون فيها فاعلا ومؤثرا بقوة.... وعمله يكون فيه ( ديمومة أطول ) من عمر عضو في مجلس الأمة :)
شكرا يا أخي على ثقتك ... وتصدق إنك وايد ترفع من معنوياتي :))
حياك الله يا نصير المرأة