الثلاثاء، 9 يونيو 2009

ما فيها شي يفتح العين !

تحديث : 12 يونيو 2009
جميع الأسماء الواردة في قصص مدونتي هي أسماء وهمية ولا تمت للواقع بصلة وإن حدث أي تشابه فهو غير مقصود وغير متعمد ... القصة حدثت قبل سنوات وبطلتها متزوجة حاليا ( وتارسة البيت عيال ) ولله الحمد ولا زلنا حتى يومنا هذا نتذكر معها هذا الموقف ونضحك عليه :)
وهي بنفسها تعلق وتضحك على نفسها وتقول : كيف تجرأت وعملت اللي عملته معاكم !
وتعترف بأنها بالغت في الزينة وقتها علها تعجب إحدى الحاضرات لتخطبها !!!
ولولا الرد القاسي الذي صحاها من أوهامها لما راجعت نفسها وتخلت عن أمور كانت ( تطفش ) المعاريس مثل المبالغة المضحكة بالزينة والإعتقاد المطلق بأن تأخر زواجها بسبب العين والحسد !!!
كنت صغيرة وحدث الموقف أمامي ورسخ في ذهني لأنه سبب زعل بين الطرفين لفترة طويلة وعادت المياه لمجاريها وقت زواج سمية :)
حبيت أن أنقل الموقف لكم مع القليل من الفانتازيا .... وبعلم من بطلته .
أتمنى أن يكون هذا التوضيح كافيا لمن يعتقد بأنني أسيء إليه أو أرمز له .
وزيادة على ذلك غيرت أسماء بطلات القصة إن كانت الأسماء التي إخترتها من قبل ( عفوا ) قد سببت الأذى لبعض الأشخاص دون قصد مني .
موقف غريب حدث أمامي أثارعلامات إستفهام لها أول ولا لها تالي ؟؟؟؟
أتركم مع ما حدث
ذهبنا ( ربطة معلم ) نحن مجموعة من رواد دار عزيزة لزيارة أم كريم للتحمد لها بالسلامة بعد رجوعها من رحلة علاج ناجحة بالخارج .
تعيش أم كريم مع بنتها سعدية وهي بالمناسبة فتاة ذات حظ قليل من الجمال والذكاء .... شارفت على الأربعين عاما ولم يقسم الله لها بالزواج بعد .... غير إجتماعية ... ونادرا ما نراها
أمها تحمل همها وتدعو لها دائما بأن يرزقها الله بزوج عمي عين مفتح قلب ( كما تقول ) كي لا يرى جمالها القليل !!!!
إستقبلتنا سعدية وقد بالغت بالتزين بطريقة مضحكة .... أعتقد أنها لبست كل ما لديها من ذهب ومجوهرات .... ناهيك عن الميك أب الأحمر والأخضر على وجهها !!
أما اللباس فلم أعرف له موديلا ..... ظللت أحدق بها كلما وقفت لأفك قصات الموديل علني أعرف هل هو فستان أم طقم تايير ؟؟؟؟
مع السلام جاملنا سعدية بعبارات المديح
كأنج عروس دازين عليها دزتها
يا العيارة وين خاشة كل هالجمال
والله منتي هينة لي طلعتي كل كشختج
يا بخت اللي بياخذج سنع ومنع
وقابلت سعدية عباراتنا بإبتسامة خجل وحياء.... وسكتت ولم تعلق بشيء
ظللنا تقريبا ساعتين .... إستمتعنا خلالها بالزيارة وأداء الواجب تجاه أم كريم
سوالف رحلة العلاج المتشعبة عن ..... المستشفى .... طاقم الأطباء والممرضات .... البلد وجماله وطقسه
المكتب الصحي في ذاك البلد .... العائلات الكويتية التي صادفوها هناك .... متاعب السفر والبعد عن الأهل .... طول فترة العلاج .... الألم .... وكل شيء .
سعدية إنشغلت بضيافتنا تراقب إستكاناتنا لتصب لنا المزيد من الشاي ... تقدم أصناف المعجنات الصغيرة ... أكواب الماء ... وأخيرا الحلو مع القهوة العربية .
وقفنا لننهي الزيارة وعند باب مدخل المنزل ونحن نشكر أم كريم على حسن الضيافة ونتحمد لها مرة أخرى بالسلامة تكلمت سعدية أخيرا وقالت :
أول ما دخلتوا قلتوا كأني عروس ... ومدحتوا جمالي وكشختي .... ولا وحده فيكم ذكرت ربها وهللت وإلا قالت ما شاء الله .
وأنا الحين أبيكم تتفلون علي وتذكرون ربكم لأني خايفة من عيونكم .... عيزت أصب لكم ماي وشاي وقهوة ... ومصيبة ما تركتوا أثر وراكم .... تشفطون الشاي والماي لي آخر قطرة
( تقول هذا وهي تؤشر علينا نحن الخمسة اللي مدحناها )
إنعقدت ألستنا من الدهشة .... أمها كانت تهز رأسها موافقة على كلام بنتها التي أكملت وهي تشير بيدها نحوي :
وبالذات إنتي ..... خو إنتي قطعتيني من الخز .... كأنج ما عمرج شفتي كشخة ولا جمال ولا لبس حلو !!!
الحين ... الحين .. تتفلون علي وتذكرون ربكم .... مو ناقصة عيون حارة توقف نصيبي أكثر من جذيه !!!!
ذبت من الخجل من نفسي
وتكلمت أجرأ وحده فينا وقالت : والله يا بنت الحلال بغينا نجاملج ... والله إنتي ما فيج شي يفتح العين .
خرجنا ونحن نغلي من الغيظ من سعدية وأمها .

هناك 83 تعليقًا:

مـغـاتيــــــــــــر يقول...

LOOOOOOL
This must be a JOKE

hatah 7asad-mania ,,
9ayer waba2 bel-kuwait

Manal يقول...

هذا الموضوع الاخير ما قبل النوم
بس وين الله يهداج يرجع النوم لعيني

بعد الضحك
:)
ههههههههههههههههه

ل نكتة انتي على هالوصف

انت لازم ينزلج كتاب على المواقف الي تصادفج

يحليلها سمية
والله يطلع منها

يالله تصبحين على خير حبيبتي اخيتي

ولنا لقاء باجر لما اقعد من النوم

:)

بحار يقول...

هههههههههههههههههههههههه
هذا احد مساوء المجاملات القاتله ههههه
بس صج ال... بعين امه غزال ههههههه
يالله هذا درس عشان ما تجاملون ثاني مره.
جان اختوا نفس عميق وتفلتوا عليها تفله جماعيه هههه
بس هي اشلون ما فهمت انكم تجاملون ؟؟

تقبلي مروري

صبا يقول...

@@

من صجهم ؟؟؟؟
بدال ما يقولون لكم ... من ذوقكم وعيونحم الحلوه

بعد فلبي
:**

مساكين عاشو الجو


اتصدقين انا استحي احد يمدحني

وويهي يصير احمر

ولو اموووووووووت ما اقولهم قولو ما شالله او احرجهم حتى لو انا منحرجه
من مدحهم لي



الله يرزقها بولد الحلال انشالله
وتتحرر من عقدتها


شخبارج
:**

Sn3a يقول...

امبيه هالموقف صج
لوووول يغربل ابليسها
حتى مجامله صدقتها وخافت على عمرها منها

لا والام موافقتها بعد

صج انهم عايله فله

غير معرف يقول...

لله المستعان ...

حده تصرف غريب ...

على الاقل ذوقيا من باب حسن الضيافع تسكت ...

ناس نفسيتها تعبانه

غير معرف يقول...

عيب عليج

العياب عند الباب

اذا شفنا شخص اقل حال منا تحمدنا ربنا وسكتنا

ماهقيتها منج

الزين يقول...

@@

وسمية طلعيت مي هينه كلش


:$

Sweet Revenge يقول...

والله ما ادري شقولجصج الموقف محرج ويغيظ بس جان خذيتوها علي قد عقلها بعد شتسوون
وصج لي قالوا العقل زينه

Daddy's Girl يقول...

لوووووووووووووووووووووووووووول!!!

انتي تغطين و ترجعين مع سوالف تضحك من قلب!!!!

مسكينة صدقت عمرها!!!

بعد انتوا ليش تشفطون السوائل اللي بالقلاصات؟؟ أنتو الغلطانين!!!! مني و رايح و منعا للزف خلو اشوية سائل بالقلاصات عشان تتسبح فيهم الأخت!!! و لا عاد انتي يالخزازة انتي انتييي ...

و الله اكو ياما جياكر يعرسون! يقولون الله يعطي الجيكرة بخت اشكبرة ماشاء الله...

لكن هذي واضح ليش انها ما عرست من لسانها الزفر و الانفة و الثقة الزايدة اللي فيها!!!!!! يمكن كل ما اييها معرس تلاسنه و ينحاش مقرود!!!!!!!!!!!!!!!!

انا اقول طيبوا خاطرها واهدوها منظرة + مجلة فوغ يمكن الله يصلح حالها و تتسنع!

لوووووول

فقاقيع يقول...

وخزياه هذا وانتو مجاملينها

:)

chandal/danchal!! يقول...

واخزياه بس

عيل أتفل بويها وأطلع!

الله يهديهم... واي نيكون الكويتيين صايرين كلهم جذيه حمدلله والشكر

عساج ما تفجين حلجج الا يفسرون كلامج مليون تفسير... واذا سكتي طول القعدة قالوا شايفة روحها وطبانة


الواحد يروح يبي الأجر وما يحوشه الا المغثة!

lawyer يقول...

لألألألألألألألألألألألألألألألألألأ


مو صصصصصصصصصج


نيكوووووون صصصصصصصج؟؟


معقووووووووله جذي!!



شي لا يصدق ولا يعقل !!



هذي مو صاحيه


كلش و عليه !!

نون النساء يقول...

بل بل بل بل بل

مااااااااااااالت


ليش يا بنت عزيزة يالي احساس قوي ولا شعوري في إيدي وودي أكم على ويه سمية واسوي على ويهها خمسه

سليمه صكتها إنزييييين سواء خبلة ولا صاحيه

عثماني يقول...

الله يهديج يا اختي

الحين البنت تقول لكم تفلوا علي .. ليش تردينها؟؟

جان عطيتوها ذيك التفله السنعة

:)

صج ناس ما تستحي

المرة الياية اذا شفتوها قولوا لها ... يه يه يه ... صايرة نعال اليوم

:)

Unknown يقول...

أخخخخخخخخخي لو هالموقف يصير فيني والله لا أشرشحها ... جان أشكره بعد ما أزفها وأقولها كل اللي بقلبي امشي وأرد الف عليها وأقولها تــــــف عليج هذا كفوج " مكرم القارئ" اقهرتني

جنة الحواس يقول...

حرام .. تصدقين كسرت خاطري مرتين .. المرة الأولى لأنها صدقت مجاملاتكم

و الثانية لأنكم دقرتوها دقرة ما تنـِّسي

الله يهداكم .. يعني كان لازم تعلقون و تجاملونها ؟شاللي يخلي الواحد غصب يقول شي مو حاس فيه ؟

Mr_CHoCoLaTe يقول...

ههههههههههههه
مسكينه على الاقل قولوا ماشاءالله حتى لو تجاملونها هي هي

Nikon 8 يقول...

مـغـاتيــــــــــــر
حيا الله الزميلة الجديدة في عالم التدوين :)
الخوف من الحسد فعلا صاير وباء:(
أهلا بك عزيزة في دار عزيزة :)

Nikon 8 يقول...

منال
المواقف المحرجة والطريفة تحصل لي بالهبل ولا أعلم ليش ؟؟؟؟
نوم العوافي :)

Nikon 8 يقول...

بحار مهموم
حيا الله بحارنا المهموم :)
درس لأتعلم أن لا أجامل بأي كلام ليس في محله :(

amani يقول...

هذاا نووع من الواحد اذاا كان مصدق نفسه جذي يصير

بس حلوو ذكر الله بكل شي حتى على الشي القبيح لانه لولا الله لكان اقبح من جذي بعد

تصير وااايد بعد اناااا تصير فينيييي لماا اتكلم مع وحده مفرطه بالسمنه وسمراء بشكل يضيع الملامح مع شعر جداا غامج <<< اذكر هالمثال لانه صج البنت باطه جبدي وفوق هذاا ذكرتني ببنت وسميه بعد

وتقولي يا اماني انا اقولج هالكلام لانه صديقه ما تعرف تجامل وفوق هذا ما تجرح وتقول ماعليه الايام جدااام

لماا تجيني وتقولي انا متييينه جني دولاب وفوق هذاا مو ذااك الزود واقولهاا ما علييج يا بنت مافيه احد بالدنيا قبيح الله عطانا العقل والايد والقدره بعقلنا نعرف نفكر وشلون نفكر نجمل انفسناااا بعدها بفتره تقول ويييه زاروناا ناس وبس قاعدين ويمدحوون فيني ويقولولي بوجهي يا ليتنا بربع جمالج وبصراحه انا اقولكم ما بي اخذ غيبه البنت بس تعرفوون البطه السوده ماكوو شبيه لها الا هذي واقولهااا عمىى مااذكروو الله تقولي شفتي شلوون والله نصيبي واقف من هالشي لووول اقوول ياربي هالبنت ماادري شلون صايره المصيبه انهاا تعرف انهااا اقل من العاديه جداا جداااا على الاقل طوري عقلج مو كل ماشفتي وحده سويتي نفسها وعبالج انتي خلاص تحولتي في يوم و ليله من البطه السوده الى البجعه الساحره
بس فيه ناااس مافيها فايده المجامله او تشجيع الذات كملي جميلج فووق ما انتي جاملتي هم تقثيين نفسج خليهاا تعييش بالاحلام واذا كانت تنطر استكانات الشاي عليهاا بالعافيه يمكن وحده فيها مرض معدي بالاسنان يمكن ينتقل لهاااا لوووول

Nikon 8 يقول...

صبا
ندعو معك بأن يرزقها الله بولد الحلال
النية كانت نبي نفرحها إهي وأمها ... لكن طلع علينا عايدي :(

Nikon 8 يقول...

Sn3a
أكيد صاير لهم موقف سابق خلاهم يصدقون إن الناس قاصدة تحسد !!!
الله يكون في عونهم .

Nikon 8 يقول...

4
فعلا التصرف كان يخلو من الذوق ... ولكن يمكن بالغنا في المدح بطريقة خلتها تخاف من عيونا !

Nikon 8 يقول...

غير معرف
النوايا كانت سليمة بقصد إدخال إدخال السرور لقلبها وليس العياب كما فهمت خطأ !
وحاشا لله أن نكون نقصد أو تعمدنا التعلي والعياب كما تقول .

Nikon 8 يقول...

الزين
الله يكون في عون سمية !!!
لأنها حاطه في بالها إنا حسدناها !

Nikon 8 يقول...

Sweet Revenge
طلبها الصريح ربط ألستنا!
وكيف نوضح لها إن الكلام مجاملة وليس حقيقة ؟
أكيد بيكون الكلام صدمة لها ؟!
الموقف بكبره بايخ وغير متوقع !

Nikon 8 يقول...

Daddy's Girl
الموقف فعلا حصل !
الله يرزقها اللي في بالها ... ولو راده على الجمال فقط جان محد عرس !
هذا شيء بيد رب العالمين .
الموقف ما يترقع لأنها تعتقد إن طريق تزينها تبين ثرائها وذوقها اللي محد يجاريه !

Nikon 8 يقول...

هيله
شفتي ؟
:(
إدكرتنا خوش دكرة :(

غير معرف يقول...

"يأيها الذين امنوا لا يسخر قوم من قوم عسى أن يكونوا خير منهم ولا نساء من نساء عسى أن يكن خير منهن" - الحجرات

Nikon 8 يقول...

chandal/danchal!!
بالضبط يا جندل هذا اللي بغيت أوصله لكم إن الناس صار فييها هوس الغير الحارة وبس .

Nikon 8 يقول...

lawyer
معقولة ونص يا لوير لأن الموقف صار لي .. ولا اقدر أقول عنها صاحية وإلا لا لأني ما أعرف دوافعها والأسباب اللي خلتها تسوي جذيه !

Nikon 8 يقول...

نون النساء
قوية الحركة ... وبصراحة ما أقدر اسويها !
الله يهديها إنشاء الله .

Nikon 8 يقول...

عثماني
لووووووووووول
حرام عليك ... وبعدين قالت تفلوا عن الحسد والنضلة ... معقولة بنسوي اللي تبيه وحنا معصبين عليها !
الله يسامحها بس

Nikon 8 يقول...

كويتيه بحرينيه
هدي بالك ... ما صار إلا الخير
صار الموقف وإستوى .. واللي فات مات لكنه علمنا درس

Nikon 8 يقول...

جنة الحواس
فعلا كلامج صح
شاللي يخلي الواحد يتكلم كلام مو حاس فيه !
هذا الدرس اللي تعلمناه نحن جميعا
وصدق اللي قال كل طراق بتعلوم !
والمجاملات كانت من باب الإطراء فقط وليس أي شيء آخر ولم نقصد الإساءة لها

Nikon 8 يقول...

Mr_CHoCoLaTe
فعلا مسكينة وكسرت خاطرنا عليها وعلى نفسنا !

صبا يقول...

تعليقي كله بدليات بالاحرف
:)))

الله يقطع سوالفك يا عثمااااني


مت مت مت مت من الضحك

هههههههههاااااااااااااااااي


يا خف دمك

يعني افهم انه اذا شفتك
وقلت لك انت قمر وصاااير واااايد حلو وصغراااان 10 سنوات ...ما راح اتهاوشني وتتحلطم وان جعمتني بزوجك
فلانه ...

؛)

نيكون

مدحيني وشوفي شبسوي

:****

صبا يقول...

طحت عليج
وانتي تردين علينا

:)

Nikon 8 يقول...

أماني
هذي النتيجة عندما تسيطر هواجس الحسد على عقول الناس .... الحسد موجود ولكن أن نتركه يسيطر علينا فأعتقد إن هذا أمر خطير .
أما الثقة الزايدة بالنفس فلا حول ولا قوة إلا بالله !

Nikon 8 يقول...

غير معرف 2
لم نسخر أبدا من الفتاة وإنما جاملناها بعبارات عادية نقولها لأي فتاة لترفع من معنوياتها.
بالرغم من طريقة تزينها بإسلوب غير مألوف لفت الأنظار لها غصبا عنا ( نظري أنا بالذات ) وهذا ما حدث حقيقة ... واعتبرنا تصرفنا تصرفا لبقا بدلا من كسر خاطرها ونقدها .
ومع ذلك قد تكون عند الله أبرك منا جميعا .
الله ينعم علينا وعليهاوعليكم جميعا بالهداية للصراط المستقيم .

Nikon 8 يقول...

صبا
يا معودة هونا ما راح نمدح أحد !
وإلا تدرين بأقول لج يا أم دم عسل :)

lawyer يقول...

هذي ببببببببببببببببببببعد تشكين انها موصااااااحيه


هذي فعلا مو صااااااااحيه و نسسسسسسسس




اصلا هذي تصرفها يخرررررررع




يربط اللساااااااااااااااان



يما يما
يمااااااااااااااااااا



الاوادم يخرعون

ميمة السبيت يقول...

لوووووووووووووووووووووووول

حرام مسيجينه مخها على قدها اهي عند نفسها كاشخه

اتنوا بعد جان كملتوا احسانكم و تفلتوا عليها خل يرتاح قلبها

بس خووووش سالفه

Mamloo7a Q8ia يقول...

هههههههههههههههههه
هههههههههههههههههههه
يحليلها سميه وامها
مت مت من الضحك
الله يهداهم وايد صدقوا روحهم
كلش ما سوت عليكم مجاملتكم لها
:)

مهرة سالم يقول...

السلام عليكم ورحمة الله وبركاته...
إختي منال آخر تعليق قبل النوم...
وأنا اول تعليق بعد الإستيقاض...
.......
صراحه ...
سميه تغمض ....
وأمها بعد الأم تبي الفكه من البنت ..
والبنت خايفه على عمرها...
تعنس....
الله يهديكم سايروها عقد عقلها...
تفلي بويها ....
........
ماشاء الله عليج سوالفج حلوه....
...
دمتِ بخير

غير معرف يقول...

السلام عليكم شهلكلام يابنات الكويت اذا خطبتو لاخوانكم او عيالكم من بنات الحمايل العفيفات الجميلات وردوكم عذربتوهم وهل ترضون على انفسكم ان الغير يقول عليكم مثل ماتقولون عليهم كذب وبهتان اتقو الله يمكن دعوه من مظلومه في ساعة استجابه مابينها وبين الله حجاب واكيد انتو غايرين من البنت وجمالها وهدوؤها وسنع امها وترتيبهم وتقديمهم من احسن مطعم بالكويت وهذاكله غيره وحسد الله يكافينا شركم واذاكم

غير معرف يقول...

واضح ياللي كاتبه القصه انج غيرانه من ام سلطان وسميه لان لو مو غيرانه وصاير بينج وبينهم سالفه غير سالفة العين جان ماكتبتي هالموضوووووع بالنت ونشررتيه وخلتي الناس يقرونه ويتشفقون عليهم !!.. هم مايبون من يشفق عليهم ياحبيبتي انتي اللي يبيلج من يشفق عليج لان الغيرررره ذااابحتج ذببببح .. استقبالهم انا مارحت له بس الكل يمدحه ويكفي انها ام سلطاااااااان ...

غير معرف يقول...

الله ينتقم منكم جميعا علي التحدث بأعراض الناس صحيح ما تستحون ، وغلطان من يدخل أشكاكم بيته وحرام فيكم الضيافه ،،،، حسبي الله عليكم

حسبي الله عليكم
حسبي الله عليكم
حسبي الله عليكم
حسبي الله عليكم
حسبي الله عليكم

عسي الله يرجعها لكم عاجلا وينشر عرضكم ويفضحكم

غير معرف يقول...

حسبي الله عليج يا قليلة التربيه ،، أكيد تربية زباله أو أحسن نقول تربية شوارع الي تدخل بيت ولا تصون حرمة ،،،، صج تربيه شوارع حسبي الله عليج وعليكم الله ينتقم منكم

غير معرف يقول...

صحيح الكوتيت فيها أشكال وألوان بس التحدث في أعراض الناس مثلكم أنا ما شفت ما تخافون من الله ينتقم منكم

حسبي الله عليج يا سوسه يا بنت أبليس

غير معرف يقول...

يا ترى كم مرة حكينا على بعضنا من ورا الناس ؟ كثير صح ؟

--------------------------------------------

قال رسول الله صلى الله عليه وسلم : لما عُرج بي مررت بقومٍ لهم أظفار من
نحاس يخمشون وجوهم وصدورهم.
فقلت: من هؤلاء ياجبريل ؟
فقال: هؤلاء الذين يأكلون لحوم الناس ويقعون في اعراضهم.

يا مصيبة !! طيب , شو الحل ؟؟

كفارة الغيبة


هي ان تعتذر للشخص وتطلب منه مسامحتك , وتندم على اللي عملته

ReLaaaX يقول...

استغفرالله ياربي !


آنا اقول المره اليايه امشي على وصية عثماني :p

enter-q8 يقول...

اخ بس اخ
قوليلها يا سمية
ترى كل الجمهور اللي حضر جلسة
6-9-2009 بالمجلس
صاكيك عين و يبون يطلعون حرة الجلسه
اوقفي عند الباب و قولي جملتك الاخيرة
و ابشري باللي يسر خاطرك

غير معرف يقول...

يقول الله تعالى : " ياأيها الذين آمنوا لايسخر قوم من قوم عسى أن يكونوا خيراً منهم ولانساءٌ من نساءٍ عسى أن يكن خيراً منهن ولاتلمزوا أنفسكم ولاتنابزوا بالألقاب بئس الإسم الفسوق بعد الإيمان ومن لم يتب فأولئك هم الظالمون "


مسكينة كاتبة الموضوع تكسر الخاطر
معقده نفسيا
باين عليها اما مريضه نفسيا والا حاقده
انا اقول اثنينهم

اجل هذا موضوع؟!! خلصت مشاكل الدنيا ومابقى الا فلانه شلابسه شقالت وامها
توها جايه من رحلة علاج !!!
يعني لو قرت موضوعك السخيف شتتوقعين
بتستانس؟!!
انشاء الله تدعي عليك والله مايرد دعوتها يارب تشوفينه بأهلك يمكن تحسين..
حسبي الله عليك

والله عيب
موضوع تافه واللي كاتبته اتفه

غير معرف يقول...

يقول الله تعالى : " ياأيها الذين آمنوا لايسخر قوم من قوم عسى أن يكونوا خيراً منهم ولانساءٌ من نساءٍ عسى أن يكن خيراً منهن ولاتلمزوا أنفسكم ولاتنابزوا بالألقاب بئس الإسم الفسوق بعد الإيمان ومن لم يتب فأولئك هم الظالمون "

غير معرف يقول...

يقول الله تعالى : " ياأيها الذين آمنوا لايسخر قوم من قوم عسى أن يكونوا خيراً منهم ولانساءٌ من نساءٍ عسى أن يكن خيراً منهن ولاتلمزوا أنفسكم ولاتنابزوا بالألقاب بئس الإسم الفسوق بعد الإيمان ومن لم يتب فأولئك هم الظالمون "

لايسخر نساءٌ من نساءٍ فعسى أن تكون المحتقرة خيراً عند الله وأفضل من الساخرة

في الحديث : (يامن آمن بلسانه ولم يفض الإيمان إلى قلبه لاتغتابوا المسلمين ولاتتبعوا عوراتهم ‘ فإنه من يتبع عورة أخيه يتبع الله عورته ومن يتّبع الله عورته يفضحه ولو في جوف بيته)

enter-q8 يقول...

غير معرف شكلها سمية

Nikon 8 يقول...

ميمة السبيت
الله يسلمج ويا هلا فيج :)

Nikon 8 يقول...

Mamloo7a Q8ia
إي والله ما سوت علينا مجاملة :)

Nikon 8 يقول...

نهــــــــــار
شكرا يا نهار ... وايد صعب نسوي اللي تبيه :(

Nikon 8 يقول...

ReLaaaX
لو يرجع فيني الموقف مرة ثانية جان أمشي عنهم ولا أقول شي وأشيلهم هي وأمها من حياتي .

Nikon 8 يقول...

Enter-Q8
حرام عليك :(
أشوة ما صار الموقف لك :)
الله يهدي الجميع

Nikon 8 يقول...

Enter-Q8
واضح إني بطيت دمل غير معرف :(

Nikon 8 يقول...
أزال المؤلف هذا التعليق.
غير معرف يقول...

مرحباااا شكرا على الموضوع الشيق والمفيد طيب ليش غيرتي الموضوع فجأه!
حاسه بشي؟؟؟؟
وبعديين ماني شايفه واقعيه بالي كاتبته لو سمحتي اكتبي شي زين المره الثانيه وعن جرح الناس القريبين وانتي عارفه وش اقصد ولا تحسبين مو عارفين وحسبي الله ونعم الوكيل عليك وتشوفينها بالي تحبينه يارب

um_alzain يقول...

nikon8
مساء الخير
والله ان الموقف عجيب ونكته:))
ولكن الاعجب هو موقف غير معرف من موضوعك
ليش العصبيه والكلام الجارح؟؟
الظاهر التبس عليهم الموضوع!!
الواظح انها جديده على الدار وماعندها فكره انك تكتبين قصص واحداث قديمه برضا اصحاب الشأن وتاخذين موافقتهم قبل الكتابه
والله ماتستاهلين يسيئون الظن فيج
الله يسامحج ياغير معرف
وحسبي الله ونعم الوكيل ألف مره على اتهامج بدون دليل لكاتبه المدونه

Nikon 8 يقول...

أم الزين
شكرا يا الغالية من القلب :)
أما غير معرف فالله عالم النوايا فوقها .

Nikon 8 يقول...

غير معرف
علقت في البداية ورديت عليك ولكن يبدو لي إنه لم يأت بنتيجة !
وبعدها أمطرتيني بكم من التعليقات آثرت أن أتعامل معها بحسن نية وأفترض أن هناك فعلا من تنطبق عليهم ظروف أبطال القصة !
وعلى هذا الأساس وضعت التحديث لتوضيح أي لبس وسوء فهم للموضوع !
لا الردود عليك من قبل نفعت معك ولا التحديث أقنعك ولا المدونة بالأساس عاجبتك ولاقية فيه شي مفيد ينفعك !
ما أقول إلا
إحترنا فيج يا قرعة من إنمشطج !!!
والله يسامحك

غير معرف يقول...

لووووول

ناس مستانسه وناس زعلانه
شسالفه؟؟!!

الموضوع عادي بالنسبه لي بس الردود شدتني

اختي لو انج كاتبه مثل المسلسلات ان اسامي الشخصيات وهميه جان افتكيتي
بس هم كثره التعيقات زينه

Unknown يقول...

أعوذ بالله من الشيطان الرجيم

{ يَا أَيُّهَا الَّذِينَ آمَنُوا اجْتَنِبُوا كَثِيرًا مِنَ الظَّنِّ إِنَّ بَعْضَ الظَّنِّ إِثْمٌ وَلا تَجَسَّسُوا وَلا يَغْتَبْ بَعْضُكُمْ بَعْضًا أَيُحِبُّ أَحَدُكُمْ أَنْ يَأْكُلَ لَحْمَ أَخِيهِ مَيْتًا فَكَرِهْتُمُوهُ وَاتَّقُوا اللَّهَ إِنَّ اللَّهَ تَوَّابٌ رَحِيمٌ } سورة الحجرات

يقول تعالى ناهيا عباده المؤمنين عن كثير من الظن ، وهو التهمة والتخون للأهل والأقارب والناس في غير محله ؛ لأن بعض ذلك يكون إثما محضا ، فليجتنب كثير منه احتياطا ، وروينا عن أمير المؤمنين عمر بن الخطاب رضي الله عنه أنه قال : ولا تظنن بكلمة خرجت من أخيك المسلم إلا خيرا ، وأنت تجد لها في الخير محملا.

"تفسير ابن كثير"

غير معرف يقول...

إلى Nikon 8

إن كافة ردودك على التعليقات المنشورة بالمُدونة لم تُشير لا من بعيد أو قريب بأنها قصة غير حقيقة ، لا بل تؤكد بأنها قصة واقعية.

لذلك فأن ما تم إضافته لاحقاً للمُدونة يُعتبر غير مفبول قانوناً.

ولأجل العلم ،،،

سلمان يقول...

إلى Nikon 8

ما هذا التناقض والتضارب بأقوالك؟

في بداية التحديث تقولون بأن جميع الأسماء وهمية ولا تمت للواقع بصلة. ثم تسترسِلون قائلين بأن القصة حدثت قبل سنوات والبطلة مُتزوجة حالياً إلى أخر ما جاء بالتحديث.

هل هذه القصة واقعية؟

وهل أنت شخص كاذب؟

يجب إعلام جميع الجهلة الذين علقوا على هذه المُدونة.

وشكراً

غير معرف يقول...

باين على كاتبة الموضوع مو بس حاقده وغبيه بعد :)

الله يشفيها وياجر اهلها اللي ماعرفو يربونها

اجل راحت تتحمد بالسلامه وطلعت تحش فيهم :)
شكلها متربيه بالحمام والا بالزبالة وانتو بكرامه

um_alzain يقول...

nikon8
عزيزتي
الملاحظ ان ظاهرة غير معرف بأزدياد وطبعا من سيء لاسوء
والانسان الواثق من نفسه يعرف عن حاله ولا يتخفى
انتي وفيتي وكفيتي وشرحتي ونزلتي تحديث لمنع اللبس
فلا يهمونج
ولاتتأثرين
وكل المدونات تعرضت لهل نوع من الهجوم الغوغائي
بأنتظار البوست الجديد

Faisal يقول...

مسكينه
كسرت خاطري والله
خو ثلاث ارباع البنات يصدقون الاوهام الي على هالمنوال
فقيره جان جاملتوها وخلاص

Nikon 8 يقول...

q وغير معرف وسلمان وسامي وغيرهم

واضح جدا إنكم مصدر واحد ولكم كل الحق في إبداء وجهة نظركم أيا كانت وبالإسلوب الذي ترضونه لأنفسكم!
كان بالإمكان توضيح وجهة نظركم ولفت نظري بأن القصة قد لامست وتر حساس لديكم أو سببت الحرج لكم من حيث تطابق الأسماء أو ظروف الشخصيات ... وكان بالإمكان جدا تفادي هذا الأمر وتعديله بدلا من الحيرة التي وضعتموني فيها !!!
فلا أنا أعرف شخصيات بالأسماء التي ذكرتها ولا أنا التي عرفت ما هو سبب هجومكم !!!
وإن حدث تشابه فهذا من باب المصادفة البحتة وأنتم أحرار في تصديق ذلك من عدمه !!!!
وعموما غيرت أسماء الشخصيات إن كان هذا يرضيكم .

um_alzain يقول...

:))
ام كريم وسعديه لووووووووول
عسى ما تتطابق الاسماء بعد ويقضبون عليج الناس
من اليوم ورايح ذكري فلان وفلنتانه
او زوير وعوير
عشان مايصير فيه التباس بالموضوع ومايصير لهم عذر للتشره ووو

غير معرف يقول...

يام الزين : ( ام كريم وسعديه لووووووووول
عسى ما تتطابق الاسماء بعد ويقضبون عليج الناس ) << على بالج تنكتين يعني !! الحمدلله والشكر ان شاء الله يجي اليوم اللي احنا نضحك عليج ..

صااحبة القصه على بالج سويتي شي يوم انج مسحتي الاسماء و حطيتي ام وكريم وسعديه !! ليش عايشه بطهران انتي !! شكلج ايرانيه ..

الكويت وش صغرها سبحان الله خلت الاسامي تحطين ام سلطان و سميه !! سبحاااان الله اقوول بس انتي قاصده و نص بعد بس صدقيتي ماراح تفلتين من هالعمله (يمهل ولا يهمل ) .. ادعي عليج صبح وليل ان ربي يردها فيج ..

غير معرف يقول...

ترا السالفة مصخت

أسامي و غيرت، تنويه و حطت، و المرأة و طلعت مو نفسها

خلاص شنو تبونها اتسوي؟ تحط إعلان بالجرايد؟

و تقولون بنات الحمايل و العوايل؟

إذا سميتكم المصون بنت حمولة و عايلة
و انتوا اهلها و دقيتوا الصدر تدافعون عنها و تسوون سالفة من ولا سالفة

فهم مفروض انتو عيال حمايل و عوايل

لكن انا عمري ما سمعت بعيال حمايل و عوايل لسانهم بذي جذي!و اسلوبهم وقح و لا أقذر!

و قرآن و أحاديث... تكلموا عن روحكم!!! شوفوا روحكم سقاعد تكتبون! خلاص يبا فكونا خلاص!

شنو هالمستوى و الأسلوب!!!! شنو هالتحقير في الناس و تربيتهم و انتي متربية بزبالة و انتي ايرانية و ماي شنو...

لا يبا الناس بأخلاقها و السنع و الأدب خلوه حق اهله و اللي يعافيكم

و مخ ماكو؟ ما تفهمون الفرق بين اسماء وهمية و قصة وهمية؟

انا اقول الله يساعد قلوبكم لي شفتوا لكم مسلسل بالتلفيزيون و لا شيء و اسماءه تتشابه وياكم... مادري عندكم سيوف بسيايركم تتذابحون فيها و لا شيء من هالقبيل

و حسبي الله عليكم انتوا!

Sot el 3aqil يقول...

يا جماعة ترا انتاو ما سويتاو خير في الناس اللي تشابهت اساميهم مع المذكور في القصة. كل الي سويتوا انكم فضحتوا الأوادم و فتحتوا عيون الناس الغافلة و ساهمتوا انكم تسوون السالفة كبيرةو خليتو اللي ما يدري يدري. ولو أنا من الناس الي صار فيه تشابه في الإسم كنت بزعل من اللي ربطني بهالموضوع و خلا اسمي يرتبط بالشخصية اللي إهي وهمية. و لو فرضنا جدلا انها مو وهمية و تقصدني أنا مثلا، هالتعليقات و الدعاوي و المسبات للكاتبةراح تكون اهانة لي أنامو دفاع عني

Sot el 3aqil يقول...

انا متعجبة من كمية الدعاوي و التحسب و الله للحين أكو ناس يداعووون على الأوادم،أنا خبري الناس تداينوا الحين و ساراو يفهمووون بالدين ازيد من أول، ما يدروون أكو ملاك يقول و لك مثلهو أن كل دعوة تدعينها بالسوء على غيرك فيها اثم كبير.نسيتوا كلام الله إن بعض الظن إثم. انا أشوف انكم كل اللي استفدتوه انكم فضحتوا روحكم و خذيتوا أثااام للراس