الأحد، 21 ديسمبر 2008

لحقوني

لحقووووووني



!!!



أصابع إيدي اليمني تتجمد من البرد وتتيبس



من أقعد أشتغل على الكمبيوتر



:(



مع إن إيدي اليسار طبيعية



يعني لا حاره ولا بارده



:)



إلا أن اليمين اللي أعتمد عليها ماهي راضية تصير مثلها !



جربت أحرك أصابعي اليمين بين فترة والثانية



بس ما نفع



:(



جربت ألبس كفوف



ضايقوني وهم ما نفع



:(



الحالة هذي تجيني بس بالشتا



بإستخدام الماوس ومن غيره



وتزداد سوءا لما تكون إيدي ناشف من غير كريم



:(



أخاف أقرب الدفاية ويتأثر الاب توب وانحرم منه



:(



فكرت .. وفكرت ... وفكرت



قلت ما كو إلا إني ألجأ لخطة إستكانة الشاي !



عندما أكون معزومة أو بإجتماع والتكييف بارد



أطلب إستكانة شاي وألف أصابعي حول اإستكانة وأدفيهم



:)



جبت كوب كبير وفيه ماي ساخن



لفيت أصابيعي حوله



الله ... يا زين الدفا



:)



بما الجو بارد ومجابل الكمبيوتر ما ينمل منه



برد الكوب بسرعة



:(



الخطة غير عملية !



شسوي ؟؟؟


إكتشفت إن وصفات أمي عزيزة للعلاجات الشعبية على كثرتها


ما فيها شي ينفع ضرر استعمالات التكنولوجيا والكمبيوتر بالذات !


ولما سألتها ليش ما فكرتوا بالأجيال القادمة ؟


ردت : وإنتو إشحبتكم ؟ عابلوا بعمركم !


يا جماعة خلونا نطلع لو بنص وصفة شعبية عن أمراض الكمبيوتر


والتكنولوجيا حق إجيالنا القادمة


باكر الله أعلم ما نشربهم حليب بالزنجبيل لطرد البرد


ولا نوكلهم حلبة لتقوية العظام


ولا نبخر البيت بشبة وحرمل عن العين والحسد


أظنتي إن إدقم الكي بورد كافية لعمل كل شي بمساعدة help


:)


بس خل ألقي حل لبرودة أصابيعي أول !

هناك 24 تعليقًا:

enter-q8 يقول...

بصي سعادتك
شغلي الدفاية حدها قبل ما تدشين الغرفه
لما تدفى
و وراها دشي
انا بعمل كده في الحالات دي

nikon 8 يقول...

Enter-Q8
بنجرب هالنصيحة... شكرا
لووول
كأنه البرد حولك مصري ... خابرتك كويتي
عموما والنعم فيكم بكل لسان
:)

um.alzain يقول...

nikon8 الله يعيناعلى البرد حاشج الي حاشني كل جسمي ثلج :) والله مانفع وياي الا الكمبل الكهربائى + الدفايه + شربي كل شي دافي ملغم بجنجر من شوربه اوجاي وحليب ليما تحسين انك تحولتي لبركان من الحر ساعتها ترد فيكي الروح ويمشي الدم في عروقج ,وهذي الكويت صل على النبي :))

نون النساء يقول...

لوول
ضحكت على الكومنت

يختي البرد ما يعرف أحد .. يدش مدرعم

اكرررره عمري بالبرد .. ياربي ما يصير الواحد نايم شهرين حتى واهوه قاعد ..


ماعندي حل غير انج تندعسين تحت اللحاف انتي ولابتوبج جربييييها ترا تنفع الى جانب الدفاية مع اني ماحبها تعطيني شعور اني قطعة خشب ناشفة ما يمديها عبة لوشن عشان تترطب ..

هههههههههههه

غير معرف يقول...

الله يحفظك ويحفظ ماما عزيزة:)

nikon 8 يقول...

um_alzain
كل شي سويته ... تظل أصابع إيدي اليمين ثلج ... الكمبل الكهربائي خوش فكرة :)
بأجربه :)

nikon 8 يقول...

نون النساء
الدفاية صج ما أحبها... وفكرة اللاب توب تحت الكميل فكرة جيدة بأجربها... ذكرتني بلعبة الخيمة لما كنا صغار :)

nikon 8 يقول...

غير معرف
الله يسلمك ويحفظك من الشر
وأهلا بك بدار عزيزة:)

Cr8ivia يقول...

تعلمي استخدام ايد وحده و الثانيه بالمخباه :P

nikon 8 يقول...

Cr8ivia
هذا اللي قاعده أسويه...وبتجمد من البرد :)

esTeKaNa يقول...

شفتي بس ان الاستكانة شي مفيد
:)

جنة الحواس يقول...

عين ما صلت على النبي

:P

آنا اذا تأزمت أغلسها بماي حار
و أخلي الكريم دايماً معاي ..أدهنها على طول ..عشان يتحرك الدم

همممم غير جذي .. سكريها و نفخي فيها

تدفئة ذاتية يعني

و هذا دواك و على الله شفاك

nikon 8 يقول...

esTeKaNa
أكيد .. وبالذات لي كانت من غير عروة
!
وأم نقطة ... ياسلام
:)

nikon 8 يقول...

Broke
الله يذكرك بالشهاده ... فعلا النفخ باليد راحت علي
:)
كنت أسويها لما كنت صغيرة ... وعندي دبره :)

غير معرف يقول...

Nikon8

سلامات ما تشوفين شر

جربى تدليك الأصابع بزيت زيتون دافى كتمرين للأصابع

او لبسى دسوس بأطراف مفتوحة للأصابع

nikon 8 يقول...

daggero
الله يسلمك ... عليك غياب ... إنشاء الله خير ؟

daggero يقول...

nikon8

غياب بس بدون خصم عسى أنتى مو مديرة شديدة ؟؟؟!!!!

كل خير ان شاء الله

خلص أشتراك الكواليتى ن ت وضرب الكمبيوتر مع أجازة العيد

كنت أشبك عن طريق الموبايل واتابع المواضيع وكان بطىء

nikon 8 يقول...

daggero
مديرة على دار عزيزة فقط وبدون صلاحيات ... دام الراس العود موجود ويشم الهوا ... الله يخليها لنا :)

بحر من الغموض يقول...

البرد والله ما يرحم

شاكره لج هذا الطرح عزيزتي :)

nikon 8 يقول...

بحر من الغموض
صحيح وأهلا بكم بدار عزيزة :)

enter-q8 يقول...

لايطوفك لقيت لك الحل

http://everynew.com/wp-content/uploads/2008/12/90479_01211915924.jpg

بس لبسي كم طويل

daggero يقول...

Nikon8

شغلنا المكيف اليوم ؟؟؟؟؟

البرد راح وأصبح ذكريات

nikon 8 يقول...

Enter-Q8
لوووووول :))
ضحكتني ... خوش حل ... وايد ينفعني ... بس أنا بأكشف وجههي ... لزوم مراقبة اللي بالبيت وإلا باكر بيصير فوضى .. نراقب وعسانا نلحق معاهم :)

nikon 8 يقول...

daggero
المكيف ؟؟؟
عاد اليوم أحسن شوي من أمس وقبله .. كانت الرطوبة أعلى .
أمي عزيزة تقول ديروا بالكم من ابو الوجوه لأنه يصيب العرقان إذا لفحه هوا بارد .
والبرد راجع راجع بإذن الله .