الثلاثاء، 3 فبراير، 2009

كتاكيت سوق الحمام

إيميل وصلني وعور قلبي :(
آخر شي كنت أتخيله .... أن تتم عملية صبغ الكتاكيت الملونة اللي تباع بسوق الحمام بهذه الطريقة !!!
ما أدري ليش كنت حاطه ببالي إن كل كتكوت ينمسك باليد ويصبغ بالريشة !
طلع الواقع إن الصباغة أسرع وأعنف من كذي بوايد !!!
ترمى الكتاكيت كما ترمى القمامة من طشت إلى آخر :(
يصب عليهم اللون ....
يقلب العامل الكتاكيت بيده وكأنه يعجن عجين ( لا أعلم لما ذكرني منظره بحركة طبابيخ الفنادق عندما يقلبون خضار السلطة بيدهم لتوزيع الصلصة وخلط السلطة !!! )
صوت الكتاكيت لا يسكت ..... صراخ متواصل ... أتخيل إن اللون دخل بعيونهم ..... وإن روسهم تترقع ببعضها البعض من كثر ما العامل يقلب فيهم ليتوزع اللون .
رماهم جميعا مرة أخرى إلى صندوق آخر .... هني سكتوا نوعا ما ..... عوينتي داخوا من الشدخ والرضخ !

ألوانهم بالنهاية تشوق :)
ولو كنت أعلم إن صباغتهم صارت بهذه الطريقة العنيفة لإمتنعت عن شرائهم :(
بعذرهم ما يطولون .... من نشتريهم يموتون بعد كم يوم !!!
تخيلت روحي بدالهم وقلت بقلبي: ربي إن كنا ضعفاء لا تسلط علينا من لا يرحمنا
أخليكم مع مقطع الفيديو هذا لتحكموا بأنفسكم .


هناك 35 تعليقًا:

kAiKa-MGroMa يقول...

اييييي خنت حيلي

يفتفتون لووفاد :<


انا عورني قلبي عليهم لما شفتهم.

شـقـــــران يقول...

العزيزة
nikon 8

مساء عبق النوير يازميلتنا المزدوجة
:)

-------


للأمانة صدمت من طريقتهم اللا انسانية في تلوين الكتاكيت..لاحول ولاقوة إلآ بالله

والله مال الواحد يبلغ عنهم البلدية


اتصدقين انتي قلتي شغله صحيحة..لما قلتي بعذرهم يموتون بسرعة من نشتريهم...صاجة والله..الطيب فيهم يكمل اسبوع




اللهم لا تسلط علينا من لايرحمنا




تقبلي مني وافر الاحترام وصادق المودة

حياتي هدف مو عبث يقول...

حرااام يكسرون الخااطر :(
ودي ألمهم :((
يعني ماكو طريقة ثانية إلا جذي ؟
وأقولج شي يضحك ويفشل :)
أنا على بالي لونهم جذي من الله :/
هاهاها
بقول حق أخووي ييب لج جم واحد
أكسب فيهم أجررر أضفهم عندي اشووي
والأصفر لوونهم يهبل

محمد سعد القويري يقول...

الأخت nikon 8
السلام عليكم
أسعد بكوني أول المعلقين
الصراحة
والله أنواع الإرهاب لهالكتاكيت
ـــــــــــ
وللمشاركة معك في هذا الهم
لي مقالة بعنوان
العصافير والحقوق الضائعة
ــــــــــــ
وإن شاء الله في الطريق راح أكتب عن هالمساكين ..

تحياتي
وأسعد بالتواصل معكم .

darkness يقول...

امبيييييييييييييه

من صجهم؟؟

حراااام

وااااي لا

ما يخافون الله؟؟

قانونى كويتي يقول...

يا دار عزيزة

صباح الخير اول شى

كلماتج كانت بالفعل معبرة عن المأساة

اللى عاشوها الكتاكيت


والمشكلة ان الخبير الهندى مو عارف الكمية اللازمة لتغير اللون

وبعد مو قولب فيهم بعدين راح ضاف عليهم

كمية الصبغ مرة ثانية

واتصور ان قولب فيهم فوق اربعين مرة


بس مثل ما انتى قلتى بعد ما شفتيهم ملونين صاروا احلى


يعنى العملية عملية تسويق للبضاعة


تحياتى

Manal يقول...

اي يا حرام

انا مر علي الايميل بعد

وايد تاذيت

يعني اتوقع المسؤولين عن حقوق الحيوان ممكن يسوونها مشكلة

والديرة مو ناقصة
ترا احنا نعتبر واحدة من الدول الي تنتهك حقوق الانسان

الله يستر

Salah يقول...

مو شي الصراحة!

اقصوصه يقول...

انا بعد ياني هالايميل

حرااام :(

HamoOora يقول...

حراااام

)=

ما أحب العنف!!

((ربي إن كنا ضعفاء لا تسلط علينا من لا يرحمنا))

اللهم آمين


يعطيج العافية

nikon 8 يقول...

كيكة مقرومة
قلب مرهف كما توقعت
شكرا :)

nikon 8 يقول...

شقران
يا ها فيك يا شقران وعجبتني تحيتك مسا النوير:))
شكرا

nikon 8 يقول...

حياتي هدف مو عبث
ما كو إلا نسوي حملة توعية ضد الإساءة لمعاملة الكتاكيت :)

nikon 8 يقول...

محمد سعد القويري
يا هلا بأهل الحسا بدار عزيزة
وبإنتظار المقال :)
شكرا على المرور

nikon 8 يقول...

darkness
لو يعرفون الحرام ما سوا كذي :(

nikon 8 يقول...

قانوني كويتي
مسا الخير
شكرا على التعليق وأهلا بك بدار عزيزة
:)

nikon 8 يقول...

منال
شخبار السنو ؟ يقولون نازل عندكم ؟ بالعافية :)
ضحكت لما قلتي حقوق حيوان ؟
خلنا نبدي حقوق الإنسان أول !

nikon 8 يقول...

صلاح
أفأ:(
شنو اللي مو شي ؟
ما فهمت قصدك ؟ وضح ؟
مبروك عليكم السنو :)

nikon 8 يقول...

اقصوصة
إي والله حرام
أهلا بك في دار عزيزة:)

nikon 8 يقول...

HamoOora
الله يعافيج :)
وأهلا بك في دار عزيزة :))

Me And Her يقول...

اخيييه والله حراام

انا كنت ماحبهم لانه مره خرعوووني ونطوو علي وكانو ملونين بعد :/
بس هالمره كسروو خااطري الله يكون بعونهم والله

ومااقصرتي خيتو انج نبهتينا على هالشي والطريقه البشعه اللي يعااملون فيها الكتاكيت

ويعطيج الف عافيه :)

Paris يقول...

ويه حرام
مساكين يعورون القلب :(
ما عندهم شفقة و لا رحمة

John يقول...

مســــــاكيييين

يكسرون الخاطر

ذبحهم هالهندي ذباح

يقلب يقلب شفيه هذا ما عنده قلب

Daggero يقول...

Nikon8

هذا الموضوع يبيله عيال المدارس الخاصة يتبنونه و يسوون له حملة بطريقتهم لمقاطعة شراء هذه(ياجماعة وين يروح حرف الذال فى الكى بورد تالى الليل) الطيور مثل البريطانين لما قاطعوا زيارة مصارعة الثيران عند سياحتهم فى أسبانيا
أما ان ننتظر أن البلدية تمنع البيع فأحتمال أن موظف فى البلدية أهو صاحب شغلة تجارة بيع الطيور الملونة

وعلى طارى الكتاكيت أشصار على كتكوتتنا المرشحة غنيمة

Mamloo7a Q8ia يقول...

شفت الفيديو وزاغ قلبي عليهم
مساكين ... تعذيب اللي يسوونه
فيهم

انا من اول يكسرون خاطري
وما ارضى حق اليهال انهم يشترونهم

حسبي الله عليهم هالمجرمين
بطرش لهم بريجيت باردووو
:)
شخبارها؟؟؟
للحين عايشه؟؟

أحمد الحيدر يقول...

دايما الكتاكيت في هالدنيا مالهم من يدافع عنهم ..

قانونى كويتي يقول...

مساء الخير

على فكرة

ترى الموضوع اليوم حاطينه بجريدة الجريدة

وتستاهلين كل الخير على تغطية الموضوع بجريدة الجريدة

على البركة ومنها للاعلى :)))


وعقبال ما نشوف المدونات كلها بالجرايد لتكون ملتقى للقراء


تحياتى

nikon 8 يقول...

قانوني كويتي
شكرا على إبلاغي بأن بوست الكتاكيت منشور في جريدة الجريدة ....صج إستانست :)

nikon 8 يقول...

Me And Her
الله يعافيكم:)
وأهلا بكم في دار عزيزة :))

nikon 8 يقول...

باريس
أهلا بك في دار عزيزة :)
وشكرا على المشاركة :))

nikon 8 يقول...

جون
أشوة محنا كتاكيت جان حالنا بالويل
:)
أهلا بك في دار عزيزة :))

nikon 8 يقول...

Daggero
إقتراح حلو ... والذال مقلوعة بروحها فوق !!!
أكيد مسويه شي ومنخشة !!!
كتكوتتنا غنيمة راجعة قريبا:)

nikon 8 يقول...

مملوحة كويتية
صاحبتك موجودة بس صاخة هالأيام
:)

nikon 8 يقول...

أحمد الحيدر
إذا جذي عيل كلنا في الهوا سوا وكلنا كتاكيت :))

قانونى كويتي يقول...

العفوووو

وحياج الله

وبانتظار الموضوع القادم