الأربعاء، 4 فبراير، 2009

مسلسل تركي

حدث غريب ومحزن حصل اليوم في دوامنا :(
زميلاتي في العمل مدمنات مسلسلات تركية
يتابعن حاليا مسلسل ( ويبقى الحب ) كل ليلة ويناقشن تفاصيله كل يوم مع قهوتهن الصباحية :)
مختصر القصة إن هناك مهندستان تعملان في شركة يرأسها مديران أعزبان :))
المهندستان لديهما آلة لصنع القهوة في مكتبهما ... واحدة منهما تتقرب من أحد المديرين بواسطة عمل قهوة مخصوصة له .... وعلى حسب ذوقة الذي تعرفه !
أما المدير الآخر فيحاول التقرب من المهندسة الأخرى فيأتي لزيارتها في مكتبها مدعيا طيب طعم قهوتها !!!
المهم إن إحدى الموظفات في عملنا شوقتها فكرة آلة صنع القهوة فإقترحت علينا فكرة جلب آلة مماثلة ؟
إعترضت واحدة على الفكرة لأنها ستتسبب بتلف سجادة المكتب !
وإعترضت ثانية لإختلاف أذواقهن في شرب القهوة !
والثالثة شكت بأن وراء الإقتراح مدير أعزب وعليه القيمة لا يعلمون عنه شيئا ؟!
والرابعة سلت عمرها عنا وذهبت تسأل السكرتيرة عن من هو المدير المقصود ؟
والسكرتيرة أعلنت بصراحة إذا كان موجودا فهي أولى به !
والموظفة ردت بأنها لن تدعها تدخل مكتبهم وتسكب للمدير من قهوتهم ؟
والسكرتيرة بتحدي : ووووووويه خليها لك .... أجيب آلة ثانية !
إحدى الموظفات علقت : عزة الله طفح المدير من قهوتكم ؟
ولا أعلم كيف تطور الموقف وصكت الهوشة بين الموظفات وعلا الصراخ النسائي .....
مالت .... سليمة .... جب .... إشيبي فيك ؟ ..... ضعفي أول عشان يلتفت عليج ...
إحترمي نفسك .... إنتي مو متربية !
تحول الصراخ إلى دزني وأدزك ....
وصل إلي شد حجابات .... وتمجع شعور .... وأصوات ضرب مكتومة ...أمم .... أححح .... أخخخخ .... أه ه ه ..... تتخللها صرخات
يا حمارة .... يا كلبة .... أييييي .... وووواييييي
لم نتجرأ على التدخل لفك الهوشة حرصا على مظهرنا .... ركضنا للمدير نستنجد به
بو فلان .. بوفلان ...إلحق ؟
( مواصفات مديرنا لا تشجع على الهواش عليه .. وإلا جان سووها )
خرج المدير يسأل صارخا : شنو حاصل ؟
توقفن فجأة ..... كل وحدة تنفخ من التعب .... أه .. أه .. أه .. أوه ...
والأشكال كانت لا تعليق ... لا من مكياج ولا من ملابس ولا من أحذية وبوتات !!!!!!
لم يعلن صراحة للمدير عن سبب الهوشة .... واتفقن بدون ترتيب مسبق على سبب واحد إن وحدة عيبت على الثانية !
( يمة منكم ... يوم إنكم فشلانين من السبب ليش تتهاوشون ؟ )
إنقصت وجوهنا نحن معشر الموظفات من زملائنا في العمل ...
وعلقت موظفة : وا خزياه صرنا إحنا مسلسل تركي لزمايلنا ... اليوم عندهم سالفة حق حريمهم على الغدا عن هوشة الموظفات على تقهوي المدير !
قبل لا نحط آلة صنع القهوة هوشة الموظفات هالكبر !
الله يعين لو كان فيه آلة ..... والأهم في مدير أعزب عليه العين ؟
وصج لي قالوا شر البلية ما يضحك ..... أضحكتني زميلة فزعت لنصرة صديقتها المطقوقة
ففصخت جوتيها وطبت على البنات المتهاوشين كأنها طابه بحوض سباحة .... وقامت تعضض فيهم !!!!
حنا وين وغزل المسلسلات التركية وين ؟!
يا الله تتمم علينا عقولنا ... آمين

هناك 29 تعليقًا:

Mamloo7a Q8ia يقول...

لا لا مو من صجج
@@
افا يا ذا العلم
بناتنا صاروا جذي
شدعوه شدعوه
شهالمدير اللي تذابحوا عليه
وا خزيااااااه
ما اصدق اكو ناس بهالمستوى

حسبي الله على آلة القهوه اللي سوت فيهم جذي



اي مسلسل تركي اي بطيخ
الظاااااهر
هذوله ربع فجر السعيد
ومسلسلاتها اللي تفشل
وقناتها الدايخه

قانونى كويتي يقول...

مساء الخير

اول شى على البركة جريدة الجريدة لعدد اليوم حطت موضوعج عن كتاكيت سوق اليمعة وبالتوفيق


والشى الثانى اتصير سوالف الموظفات اشياء اشياء بس مو معقولة ان السالفة تتطور لدرجة الهواش وقلة الادب بين الموظفات

والموضوع ما اتصور انه يستاهل انكم تتهاوشون علشانه

على العموم بكل الاوضاع سي السيد اهو العين عليه


بس اشوا انى مو سى السيد :)))))))


تحياتى لج على الموضوع

غير معرف يقول...

قهوتي سادة سكر زيادة !

: )

Q8EL5AIR يقول...

اووووووووووووووووله .. كل هذا بالدوامات !!

عفوا بس .. حدهم فاضيين !!

شكله ماكو شغل :)


هذولي (بعض) الحريم .. كل حش وقراض وملاسن على وله شي :)


انا اتوقع هذا عين المسلسل الكويتي :)



وتحياتي ..
ويسلموااااااااااااااااا :)

سبمبوت يقول...

ياحليييييييييييييييييييلهم
ليه هالدرجة احنا ديسبريت!!!
والله ما هقيت..

الله يعينج على زملاتج في العمل والله ضحكتيني.

Deema يقول...

lol

هَوْ هذا وشّو!!!

بس صج عجبني اختصارج للمسلسل التركي بو ميتين حلقة
محد قال لي سالفته بهالاختصار

بس صج جنه شدعوة يتهاوشون و طق على شي تخيلوه!!

Sn3a يقول...

لوووول مت من الضحك
امبيه هالموقف مال الهوشه صجي ولا تأليف

امبيه مو صججج

احس المدير لو يدري بتهاوشون عشانه بيداوم ببدله ويحطله عدسات نفس لون عيون انور

انور اللي يحب شهرزاد يتروالي
انا مو متابعه المسلسل بس امي واختي لاجينا فيه

danderma يقول...

واي واي واي
غشييييييت من الضحك و ناديت ريلي و خليته يقرا و صار له ساعة يضحك!!!

أهم شيء العضاضة اللي طبت بالنص!!!

إحنا مرة يبنا مكينة قهوة نسبرسو في الدوام أتينن حتى كابوتشينو و لاتيه تسوي تحاططنا 6 بنات و حطيناها... و ما بغينا إلا السلامة على عمرنا كل يوم و الثاني شيلووها شيلوووها مع إنا المدراء الكبار و الكونسلتانتس اللي عندنا كل واحد حاط له وحدة!

آخر شيء شلناها بعد شنسوي!!!

lawyer يقول...

ابييييييييييييييييييه


ابيييييييييه وخزيااااااااااااه

افتشششششششششلت انا من دواامكم و مديركم كله


اصلاااااااااا افتشششششششششلت من شبااااااااااااب البلوووووووووووووق كله و النااااااس



ابيييييه اكوووووو شي جذي في الكويت
وصلوا البنااااااااات لي هالحاله !!!!!!!!!


لألألألألألألألأ مو صج

مدري ليش يوم قريت اسم بوستج في لينك استكانه عطاني احساااااااس بالرومانسه

دشيييييييييت شششششششفت هوشه بنات الدوام


انزين و انتي و رفيجاتج شنو شعوركم؟؟




هذولا بنااااااات دوامج مساكين وايد متأثرين في بلوق لوف ستراك فلانه

الي حبت مديرها و تزوجته

وعباااااااااالهم هذا الحل

اي مسلسل تررررررركي

هذا مسلسل ططاااااااو

البنااااات رادحين حق بعض

نون النساء يقول...

ههههههههههههههه
ياربي الحريم حريم
لو قضبوهم حكم ديره بحالها :)

ماكوو فايدة



وااخزيااه
ولا هاذي سواة يسوونها بالدوام
يتهاوشوون على خيال مآته
على إفتراض؟


وي وي وي يا حسرتنا
مو لهدرجة فقر عاطفي عايشين فيه


:"(



الله يثبتنا على عقولنا وثقلنا
x_X

Enter-Q8 يقول...

لالالا مو صج

هذول ابوريت بساط الفقر و يخب عليهم ابراهيم الصلال لما قال المقطع الشهير
أنا مزيون و جمالي للجميع

http://www.youtube.com/watch?v=QJD5CYbg5_g

شهرزاد يقول...

هي المشكلة في آلة القهوة ؟و الله آلة القهوة معرو ف من فين نحصلها بس نجيب واحد زي أنور وللا كرم منين ؟ (( جتنا نيلة فـ حظنا الهباب ))

The Simper يقول...

متا انشاءالله انشوف مقطع الهوشه باليوتيوب؟؟؟ ودي اتطمش

lawyer يقول...

واااااااااي نيكون ما اصدق بداايع شي عجيب انا من شده انبهاري و صدمتي في تصرفات البناات تخيلاي حاطه امي و خالاتي اقرالهم البووووووست


علقت امي :
ويييييييييي ماشافت شي رفيجتج ((عنج عبالها انتي صديقتي )) يووووووم كنا في لبنان من30 سنه تهاوشووووووو بنات في فندق فنسيااااااا هووووووشه لي الحين اللبنانين يتحجون فيييييييييهاا مو بس الكويتين لان صااااااااار طق على شبااااااااب

والبلوة البنات تطاققوووو بعدين اخوانهم دروا و طقووووووووو خواتهم على الفضيحه


ههههههههههههه


ردت خالتي معلقه ان في المرديااااااان بمصر بعد صارت نفس الشي و انفضحوا البنات لان وحده منهم بااااااااااايقه نص طفايات المرديان عشان حبيبها اسمه مبارك

اخر شي هووووووووووشه صكت مو طبيعيه و تكافخوا بالطفابااااات

هههههههههههههههههههه جدام خلق الله




طلع الكويتياااااات لهم سوااااااااابق بالهواش على الريااااااااااييل



شالكساااااااااااااافه









و تسألج امي اخيرا
المدير الحين اخر شي بيااااااخذ اي وحده

بلغينااااااااا
هاهاهاهاهاهاهاها



الله يعييييييييينج

daggero يقول...

Nikon8

القصة منا قصة رمانة

القصة قصة قلوب مليانة

يابخت المدير اللى الحريم تهاوشو عليه

هههههه

حشه نون مو مدير

غير معرف يقول...

مع احترامي لج
لاعت جبدي

عاشقة لندن

دروازة يقول...

أفا يا ذا العلم

ليش محد ناداني

احب اشوف هوشة حريم

تضحك!! جنهم قطاوة ... بس يشمخون بعض ويتعاضضون!!

سؤال.. ما عندهم شغل؟!

ويقولون يبون وظايف بعد!!

الله يعينج عليهم... عسى ماهم مهندسات؟؟

Salah يقول...

يعني لو كان موظف رجل في الغرفة جان ما صار اللي صار!

لازم يوزعون الموظفين صح عشان يتم السيطرة على الاضطراب الهرموني عند (بعض) الموظفات!

:)

kuwaitawy يقول...

انا شفت الموضوالبوست طويل فقلت امر عليه بعدين اقراه


لكن قريت آخر سطر ومت من الضحك جني عارف الموضوع وشنو محتواه


""

حنا وين وغزل المسلسلات التركية وين ؟!
يا الله تتمم علينا عقولنا ... آمين

""



اي والله صاجه ههههههههههه

Broke يقول...

Is this a true story ? I can't believe it

الله لا يبلينا !

nikon 8 يقول...

Mamloo7a Q8ia
المدير اللي تخانقوا عليه وهمي ...
القصة صارت لكن عليها بعض الإضافات لزوم شد القراء :)
واهلا بك في دار عزيزة :)

nikon 8 يقول...

قانوني كويتي
الله يبارك فيك... والفال لك
الهواش كان علي مدير وهمي !!!
وأهلا بك :)

: : : :

غير معرف
يعتمد على مواصفاتك :)


: : : :

Q8EL5AIR

صدقني الفضاوة في الدوام تسوي أكثر من جذي !
أهلا بك :)

: : : : :

سبمبوت
كان القصد إبراز موقف حصل مع إضفاء القليل من الدعابة عليه :)

nikon 8 يقول...

ديما
الفراغ وقلة العمل تسوي أكثر :)

: : : : :

سنعة
الموقف صج مع إضافات وبالذات الأكشن اللي حصل ... أهلا بك :)

: : : :

دندرمة
أهلا بك عزيزة في دار عزيزة :)
المهم إنك إستانستي :)

: : : :

Enter-Q8
هههههه
الله يسامحك إحنا صرنا بساط الفقر :)

nikon 8 يقول...

نون النساء
آمين :))

: : : :

شهرزاد
واضح إنك مصرية :)
لو كنتي معانا في الدوام جان الهوشة بتصير عربية قومية :))
أهلا بك عزيزة في دار عزيزة :)

: : : : :

The Simper
ههههههه
ليش الفضايح عاد !
الله أمر بالستر :)
حياك الله في دار عزيزة :)

nikon 8 يقول...

daggero
تدري إني توني أدري إن القلوب المليانة لها بيت أو جملة قبلها !
دائما تفاجئني بمعلومة جديدة :))

: : : :

صلاح

كلامك صحيح :)

: : : : : :

kuwaitawy
يعني بوستي مثل المسلسلات التركية آخر حلقة نفهم منها كل الحلقات !
ههههههه
حياكم الله في دار عزيزة

: : : : :

دروازة

البنات زينين بس ما أدري إشصار فيهم ذاك اليوم !
حياكم الله :)

nikon 8 يقول...

لوير
ضحكتيني ههههههه كذي تختبين !
أمور جذي تحصل ويا ما سمعنا قصص .
الموقف حصل مع إضافات بسيطة للتشويق :)
أي تطورات راح نبلغج عنها :)
حياك الله :))

: : : : :

عاشقة لندن

عسى ما شر ؟!
آسفة غذا الموضوع زعجك ؟
حياك الله :)

: : : : :

بروك
الموقف حصل مع زيادة شوية بهارات كنوع من الفانتازيا:)

Manal يقول...

ايييييييييييييييه يا دار عزيزة

سوالف الحريم سوالف

:)

منو المستفيد

















الرجل

والحريم يطلعون منها بنجرة

بس ضحكتيني تالي الليل
:)

دمتي بخير غاليتي

nikon 8 يقول...

منال
يا هلا فيك :)
وأحسن شي إنك تنامين وآخر شي مر على بالك إبتسامة لطيفة :)

um_alzain يقول...

ياحسرت قلبي , اشوف كل يوم والثاني زوجي يشتكي من نجرة الموظفات .... والموظفين كونو حلف وحزب رجالي يرفضون تعيين الموظفات جدد ويفظلون نقل الموظفات القدم من ادارتهم من كثرة خلافاتهم ونزاعاتهم بالشغل ويقولون دودهونا وصار وقت العمل بس لفض النزاعات مافي انتاجيه, مالومك اذا السالفه جذي يابعلي .