هذه الحكاية كما قالت لي أمي عزيزة حدثت في وقت كان الإعتقاد السائد أن إطلاق إسم الشخص الحي على المولود الجديد يعجل بوفاة الشخص الحي ..... ويفهم بأنهم يفاولون عليه بالموت !!
تقول أمي عزيزة :
عندما أراد قريبي ناصر أن يطلق إسم أبيه على مولوده الذكر الخامس لم يتردد بالإستعانة بأمه بعد أن يأس من إقناع أبيه بذلك
أمه إنسانه ذكية وتعرف جيدا كيف تتعامل مع بوعاليها العصبي ومزاجه العسر
كانت حال بو ناصر كحال الرياييل بذاك الوقت إن قالوا لا ... لا يغيرونها بنعم
والوحيدة التي تستطيع تبديل رأيه هي أم ناصر ... وبدون أن تحسسه بذلك !!!
الموضوع بدا سهلا جدا لأم ناصر .... فعشرة الخمسين عاما مع زوجها جعلتها تفهمه جيدا وتعرف كيف تحصل منه على ما تريد ..... وببساطه :)
فقط طلبت من ناصر الحضور على موعده كل يوم لشرب الشاي معهما
جلس ناصر بعد حيى أمه وأبيه ينتظر أن تبدأ أمه بالكلام
مدت أم ناصر بإستكانة الشاي لولدها ناصر وسألته : يمه ناصر شنو بتسمي ولدك ؟
ناصر : والله ما أدري ...أنا مشتهي أسمي على أبوي وهو مو راضي أسمي عليه !
الأم : إذا ما يبي أنا أقول سمه على خالي رويهي الله يرحمه مات وما خلف ذريه ولا أحد سمى عليه ؟
الأب رافضا الإقتراح بشدة : وين عيال أخوه ما يسمون عليه ؟
الأم : عيل سمه شبيب على إسم أخوي الله يرحمه مات شاب ... حتى أنا ما لحقت عليه ؟
الأب رافضا أيضا الإقتراح : ليش ما سمى أبوك عليه ؟ ياب بعدك أربع أولاد ؟
الأم مستمرة بتقديم الإقتراحات : إيه ... والله فكرتني .... سمه على أبوي لله يرحمه
الأب بضيق : يسمون عليه إخوانج ... وينهم ما سموا ؟ صج ما فيهم خير ... وبعدين حنا شكو نسمي بإسم أبوك.... الولد ولدنا وإلا ولدكم ؟!
الأم : عيل إشرايك نسميه جربوع على إسم جدي أبو أمي الله يرحمه محد راضي يسمي عليه .... عشتو متعنفقين على الإسم يبون طارق ... أنور ... رشدي ... فريد .
الأب وقد وصل حده من الضيق وطفر : أوووه .... هووووو ..... قامت تيمع لنا أهلها وأساميهم اللي ما تنبلع ...... يوبا سمى علي وتوكل على الله .
تقول أمي عزيزة :
عندما أراد قريبي ناصر أن يطلق إسم أبيه على مولوده الذكر الخامس لم يتردد بالإستعانة بأمه بعد أن يأس من إقناع أبيه بذلك
أمه إنسانه ذكية وتعرف جيدا كيف تتعامل مع بوعاليها العصبي ومزاجه العسر
كانت حال بو ناصر كحال الرياييل بذاك الوقت إن قالوا لا ... لا يغيرونها بنعم
والوحيدة التي تستطيع تبديل رأيه هي أم ناصر ... وبدون أن تحسسه بذلك !!!
الموضوع بدا سهلا جدا لأم ناصر .... فعشرة الخمسين عاما مع زوجها جعلتها تفهمه جيدا وتعرف كيف تحصل منه على ما تريد ..... وببساطه :)
فقط طلبت من ناصر الحضور على موعده كل يوم لشرب الشاي معهما
جلس ناصر بعد حيى أمه وأبيه ينتظر أن تبدأ أمه بالكلام
مدت أم ناصر بإستكانة الشاي لولدها ناصر وسألته : يمه ناصر شنو بتسمي ولدك ؟
ناصر : والله ما أدري ...أنا مشتهي أسمي على أبوي وهو مو راضي أسمي عليه !
الأم : إذا ما يبي أنا أقول سمه على خالي رويهي الله يرحمه مات وما خلف ذريه ولا أحد سمى عليه ؟
الأب رافضا الإقتراح بشدة : وين عيال أخوه ما يسمون عليه ؟
الأم : عيل سمه شبيب على إسم أخوي الله يرحمه مات شاب ... حتى أنا ما لحقت عليه ؟
الأب رافضا أيضا الإقتراح : ليش ما سمى أبوك عليه ؟ ياب بعدك أربع أولاد ؟
الأم مستمرة بتقديم الإقتراحات : إيه ... والله فكرتني .... سمه على أبوي لله يرحمه
الأب بضيق : يسمون عليه إخوانج ... وينهم ما سموا ؟ صج ما فيهم خير ... وبعدين حنا شكو نسمي بإسم أبوك.... الولد ولدنا وإلا ولدكم ؟!
الأم : عيل إشرايك نسميه جربوع على إسم جدي أبو أمي الله يرحمه محد راضي يسمي عليه .... عشتو متعنفقين على الإسم يبون طارق ... أنور ... رشدي ... فريد .
الأب وقد وصل حده من الضيق وطفر : أوووه .... هووووو ..... قامت تيمع لنا أهلها وأساميهم اللي ما تنبلع ...... يوبا سمى علي وتوكل على الله .
هناك 46 تعليقًا:
والله كفو عليها ..
بس هذي من حريم أول ..
لو هاليومين جان قالت سليمة تصكه لا تسمي عليه سمه مهند ;p
اتغشمر مو تحقدون علي .. :))
بس فعلا افتقدت ابداعج بسبب غيابي اخيتي ..
تحياتي :)
لووول
عرفت من وين تييبه
عشون عيل ;)~
مفتاح الريال دايماً بيد المره
;)
عيل طلعت مالها الا أم العيال :)
صج عشرة عمر :)
كفو والله ..
وتحياتي ..
ويسلموااااااااااااااااااااا :)
صج المره السنعه المفروض تغير من راي ريلها ان كان مو صحيح بدون ماتحسسه بهالشي
وبدون ماتقوله انت غلط
او كلامك مشكوك فيه
لان طبيعه الريال تفرض عليه يكون صاحب قرار سليم فحتى لو ماكان راسه يابس لازم المره تقنعه بطريقه غير كلمه كلامك غلط او مو عدل
يسلمو عالقصه
صج صج ماقصرتي بهالبوستات المفيده
ههههههههههههه
جربوع و رويهي ...
هههههههههههههههههههههه
ههههه
ذكرتيني بسالفتي يا نيكون
اسم والدي الله يطول بعمره معروف بالكويت لشخصين اهو الاول فيهم من العتبان و في من اهل الكويت اللي يحملون الاسم نفسه و عوائل يتنهي اسمها باسمه
لكن الاسم قديم و لفظة بالكنة الكويتية او الخليجية يختلف اختلاف كلي باللكنة الشامية او المصرية ابوي من درى ببودار الحفيد الاول له و اهو يناديني بابو حمد او وليد وانا مطنش اقوله حمد تهاوشت معاه و ماني مسمي على اسمه و وليد اخوي دعله ومالي خلق ولدي يطلع عليه و بعدين من اللحين يقول مالي شغل بالسمية يعني اني اسمي عليه والصراحة مالك حل الا انت قال شنو تبي تعقد الولد بهالاسم عيال هالايام ما يمشي معاهم اسامينا قلت كيفه اذا كبر يغيره
انت راسك يابس و ما تسمع الكلام قلت و الله مو جايبه من بره يا بو خالد منك و ودي حفيدك يصير نفسك قال لا جعله ابرك من ابوه و جده
قلت له ترى على فكرة الوالده اهي اللي مصممه انها تسميه باسمك
شهالغزل يا بو خالد اشعليه
قال خير ان شاء الله بس اذا الله ارزقك ببنت لا تسميها على اسم امك
و ابتدى المخازز
يا حليلهم و يطولنا باعمارهم
صج الكبار بركة الدار
مدونة المراءة الذكية (=
زوغة ام ناصر (=
الام من وين ؟
اكيد من الشمال
مافى عايلتها اسم ينبلع
صباح الخير
لووووووووووووووووول
ترى كلش ما ينطبق عليها المثل اللي يقول
"ام ناصر السان طويل والحيل قاصر"
عجبتني
يختج حريم اول عندهم دبره
وياصباح السوالف الخاثرة
:)
لووووول الله يونسج بالعافيه ونستينا بهالقصة الحلوه .
بس وايد الاحظها سالفه الغيرة الي تصير بين الزوجين الكبار في العمر ,مثل مره الزوجة كتبلها الطبيب علي نظارة الزوج اصر ان يسون له نظارة مثلها مع ان ماشاء الله نظره سليم
لوووووووول
شوفو شلون المسايسة وطولة البال
والوصول الى الهدف الجميل بشكل جميل
شتان مابين قصة اليوم وقصة معاريس امس لووول ، أحس انك تعمدتي اظهار الفرق حتى يعرف المتابع شلون يكون التفاهم ما بين الزوجين
مبدعة يا Nikon 8 كالعادة
والله هالام ناصر مب هينه
ضحكت من قلبي ........
الحين المشكلة عندنا بالعكس يبونا انسمي على الموجودين
واجباري الوحدة اول ما تييب ولد على اسم ابو ريلها واذا بنت تسميها على اسم ام ريلها
آبي ام ناصر تشوف لي حل
ذكرتيني بخالي الله يرحمه ويحلله
ما كان يرضى احد من عياله يسمي عليه
:)
ههههههه ذكرتيني بسالفة اشلون سميت ولدي على اسم ابو زوجي في حين كانت خالتي تبي اسم "ماحب اذكره" لأن مافيه إحسنه.
كنت افكر اشلون اطلع منها.. !
فكنت كل زوارة امدح عمي واقول له ان شاء الله فلان (اسمه) الصغير يطلع على يده (عمي) ويا بختي اذ خذا منك هالشخصية الرزينة ويكون سمته سمت رجال مثلك
D:
رضوا بالواقع.. وخالتي في يوم الاستقبال تقول للناس "سموووووه.. سموووووه.. سموووووه" كإنه انا مسميته على اسم ابوي مو عمي ههههه
حكييييييييييييييييييييييمه
D;
والله نجري هالابو
ههههههههههههههههه
** انزين انا مشكلتي عكس ام ناصر ما ابي اسمي على اسم ابوووه ، عفيه قوليلها شسوي ؟
بس جربووووع فلم
يقولون الابو اهوا الراس و الام الرقبة اللي تحرك الراس =)
و المراة بذكائها تاخذ اللي تبيه من ريلها ,
قصصج تهبل تقدرين تقولين ادمنت عليها ^^
قصصج واقعيه ..
تعكس اصاله البيت الكويتي ..
كثري منها عشان تنبهين الغافلين والمتعنفقين ..
والله رويهي حلو :>
ههههههههههههههههههههههههههههههههههههههههههههههههههه
نيكون حرام عليج
موتيني من الضحك
اعجز عن وصف اعجابي بطريقة كتاباتك يالغالية
والله خوش وحدة ام ناصر
بس شنو هالاسامي بعايلتها
الله لا يحرمهم من هالام العبقرية
:)
دمتي بالف خير
:)
أحمد الحيدر
وأنا أيضا إفتقدت تعليقاتك :)
يا مئة مرحبا بعودتك :))
مـغـاتيــــــــــــر
ما أشطر من الحريم :)
يعرفون عدل لرياييلهم بعد سنوات العشرة الطويلة ..... هذا إذا بغوا :))
chــاي أخضر
بلا جدال :))
Q8EL5AIR
الله يسلمك :)
Sn3a
العفو يا سنعة
ترا حريمناماكو مثلهم في السنع والدبلوماسية :)
الفال لبنات جيلنا :))
4
الأسماء وهمية :)
أما الأسماء الحقيقية فهي غير بعيده عن ذلك :)
Enter-Q8
الله يحفظهم لك ويبارك بأعمارهم ويديم مخازز الحب بينهم :))
على فكره خليتني أفكر بإسم الوالد ؟
شنو الإسم اللي ينلفظ بكل لهجة شكل ؟
بلاغة شف عدل ؟
لوووول
بوليد أحلى شي بالدنيا إن الواحد ما ينقطع عن سماع إسم أمه وأبوه ... وهذا ما يصير إلا لما تسمي عليهم :))
مركبنا
الأذكياء أنتم يا قرائي اللي تفهمون ما هو المغزى :)
وأم ناصر فعلا كانت زوغة :))
غير معرف 1
المهم السنع وليس الشمال والجنوب !
الأسماء في القصة وهمية .... والأسماء الحقيقية أيضا كانت ما تنبلع لعيال هذا الجيل :)
يا صباح النور
الزين
يا هلا بالزين كله
ليتنا نتعلم من حسن تدبير جداتنا:)
كلش ما فينا صبر !
صباح القشطة:)
Sweet Revenge
لووووووووووووووول
حلوه سالفة الأزواج الشياب من بعض :)
عجبتني :))
الله يخليهم حق بعض
رزنامـــــة
ما شاء الله على الذكاء.... وجهة نظر صحيحة
:))
أتيت متاخرة
قد يزعلج رد أم ناصر :(
هي من مؤيدي هذا الشي مثل ما تؤيد أن تسمي البنت على أمها وأبوها
وكل شي بالتفاهم يصير
chandal/danchal!!
وأنا أيضا قريبتي ما رضت أحد يسمي لا هي حية ولا ميته مع إن إسمها حلو : شريفه
إمـرأة لا تُنسـى
هههههههههههههههه
تصلحين تنافسين أم ناصر :)
ARTFUL
وإنت الصاج الأبو حده عصبي وكل يخاف منه !
وما شاء الله عليها الأم تقدر تمشي اللي تبيه عليه من غير ما ينزعج
ميمة السبيت
تقول لك سمي على أبوه
وتقول بعد عزي أهله يعزونج وغذا سميتي على الأبو خلج مستانسة وفخورةوسوي مثل إمرأة لا تنسى :)
*Being One
شكرا :)
نفرح إذا كان الإدمان على شي زين ( ليس مدحا بنفسي ) ولكن لكل شي
يا هلا فيكم بدار عزيزة :))
غير معرف 2
الله يقدرنا على تلبية طلبكم :)
شكرا :))
ولد الديرة
لووووووووووووول
عاجبك ؟؟
:))
منال
يا هلا بالغالية منال
أم ناصر تعمدت إختيار هذه الأسامي لأن محد راضي يسمي عليهم وعلشان تجبر ريلها يوافق على إسمه !!!.... وعلى فكرة الأسماء الحقيقة كانت أيضا غريبة ومحد سمى عليهم لهذا اليوم :)
ما شاء الله عليها
صج ذكية :)
om comment kuwait
الذكاء إذا إرتبط بالتصرف السليم وحسن التدبير يسوي البدع :))
أي جــذي المـرا تسانع ريلهـا
وهذي الطريقـه السليمـه
ألـي تفتقرهـا
الكثيــر من بنات هالزمــن
المراعاة والمداراة
أمر ضروري في حياة كل زوجيـن من كلا الطرفيـن
للأسف أزواج هالزمـن
حياتهم كلها عنــاد بعنــاد
ويتعمدون اغاضة بعض
مشكوورة
The.One
العناد والتحدي عمره ما جاب نتائج مرضية مثل المداراة وأخذ الأمور بالسياسة وبدون جرح لكبرياء الرجل :)
إرسال تعليق