السبت، 4 يوليو 2009

موزه

على شباك الأرقام في المستوصف حيا الموظفة وسلمها بطاقة مدنية إبنته المريضة
ردت الموظفة على التحية بأحسن منها وهي مبتسمة ومستهله :))
قرأت الموظفة الإسم المدون على البطاقة المدنية ..... دققت على تاريخ الميلاد ثم قالت معترضة :
حرام عليك بنت صغيرة توها ومسميها موزه ؟!
الأب منطلقا بفخر :
وليش ما أسميها موزه ؟ .... هذا إسم الله يحفظها زوجتي ....ومن معزتي لها ما لقيت أحسن من إني أسمى آخر العنقود عليها ....وهذا أقل شي ممكن أقدمه هدية لها :)
تبدلت ملامح الموظفة إلى تأثر:(
ونظرت له لفترة قصيرة بصمت ......سحبت رقم الدخول .... وسحبت ورقة بيانات المريضة الصغيرة ...... ووووووو .........

ختمت على الورقة عبارة ( معفي من الرسوم ) بيد
وكمت على وجهها باليد الأخرى !!
تنهدت .... آه ... بعمق وأسى
وسلمت له بالورقة بصمت
لم يعرف بماذا يرد .... الدهشة عقدت لسانه ..... مد يده وأخذ ورقته بصمت !

هناك 43 تعليقًا:

ReLaaaX يقول...

looooooooooool

مو حاصل لها من جذي كمت !

بعدين موزه نوع من انواع اللولو شعرفها ؟

مع اني ماأفكر إني اسمي بنتي موزه بس افتخر بالاسامي القديمة .. يعني لو قالولي اسمي على خالتي ( واسمها موزه ) واذا كنت احب خالتي راح اسمي عليها

وإذا ماحبها ماتشوف شر :p

nanonano يقول...

ما ألوم الكاتبه مسكينه..تلاقين زوجها موريها نجوم الليل بعز القايله

و ييها واحد من حبّه لزوجته مسمي البنت عليها..الداد لها أصلا


و بعدين ترا الحين صايره هبّه عشتو من الرياييل..يسمون بناتهم على أمهاتهم

غير معرف يقول...

أشهد انك محترفه

مختصر مفيد

وتركتي النهايه لخيال القارئ

الفي كتاب وتوكلي علي الله

-mate يقول...

يمكن الموظفة ماتعرف معنى الاسم وعبالها موزة الشواذي!

ولكن موزة هي اللؤلؤة الجمابوو بالخليجي
:)

غير معرف يقول...

مرحبا

اسم موزه المنتشر بالخليج لا يقصد به الموز ( الفاكهة ) , بل يقصد به نوع من انواع اللؤلؤ و هو الذي يكون بشكل بيضاوي

دانه

لؤلؤ = لولوه

اقماش = قماشه

حس = حصه

...

chandal/danchal!! يقول...

LOOOOOOOOOOOOOOOOOOOOOOOOOOL


تلاقينها تقول: جتنا نيله بحظنا الهباب

غير معرف يقول...

زين يسوي فيها

يا حلاة الأسامي الكويتية القديمة

لولوة، شيخة،غالية،شريفة، دانة، وضحة، نورية، بدرية، فوزية

أكثر شي يقهرني لما واحد يسمي ولده أو بنته إسم كويتي قديم وبعدين ايي واحد ينتقده ويقول له ليش تظلم ولدك او بنتك بالاسم القديم

والله العظيم في ناس عندها إن الأسامي الكويتية صارت مو ستايل ولازم نمشي على الموضة بالأسامي!!

هزلت!!

اما سالفة إن الواحد يسمي بنته على إسم زوجته فهاذا أكثر شي يخلي الحريم يغارون من هالزوجة وحب زوجها لها!!

أتيت متاخرة يقول...

نفس الشي قالوا لي على اسم بنتي ربي يحفظها .....
حرام والاسم كبير على الياهل ووووووو

كل هذا ما همني لأنه على اسم الوالدة ربي يطول بعمرها ...........

ومن دون كل اخواني آنه الا سميت على اسمها .

نيكون كبر هالريال بعيني ........
وآنه بعد كبرت بعيون نفسي

جبريت يقول...

اكيد افتشلت من الرد الجريء على سؤالها او انها تعجبت بوفاء هذا الرجل لزوجته

ميمة السبيت يقول...

** صراحه الاسم كلش مو حلو .

بس الناس اذواق موزه اهون من اسامي وايد تفشل حتى ماتنقال

um_alzain يقول...

معني الاسم جميل
ولكن من يذكر المعني لما ينطق موزه
في وحده اعرفها اسمها موزه كارهه اسمها ودائما تعيد وتقول وتوصى اعيالها اذا تحبوني وتحبون بناتكم
لاتسمونهم على رحموهم من التعليقات
بصراحه الاسم يحلي صاحبه
بس موزه ماله حل

غير معرف يقول...

تعاطفت مع الموظفه الله يعينها علي ما ابتلاها

بس شخبار اللي يكمون

سؤال بره الموضوع ليش اخترتي نيكون8

Sn3a يقول...

سبحان الله نظرتها تبدلت للاسم
يمكن لما كنت اصغر من جذيه كنت احب الاسامي الييديده او حتى العاديه بس ماتكون الغريبه

الحين الوضع رد مثل قبل ردو على الاسامي القديمه وبصراحه احسها احلى واثقل
بس توني ادري ان موزه معناته نوع من انواع اللولو مثل ماقالت اختي ريلاكس

lawyer يقول...

لوووووووووووووووووووووووووووووول



هاهاهاهاهاهاهاهاه



ككككككككككككككككككككمت على روحها

ههههههههههههههههههههه



مت مت مت ضحك
ليشششششششششش عاد اتكم على روحها



صصصصصصج ضحك



ههههههههههههههههههههههههههههه


اتلاقين الريال قال والله ابتلشنا فيكم



هههههههههههههههههههههه

Manal يقول...

ما في احلى من مغزا القصة الحوة
:)

عسى الله لا يحرمني متابعة قصصج الواقعية يا بعد جبدي
:)

جنة الحواس يقول...

LOOOL

ما تنلام .. محترة


thanks for the the laughs

Mamloo7a Q8ia يقول...

هههههههههههههههه
كمت على روحها من حر مافيها
:)

يا حلات الاسامي القديمه
انا كله اقول ودي اغير اسمي
الى لولوه او شيخه او لطيفه
هالاسامي المعتقه
وايد احلى من اسامي هالوقت

أهل شرق يقول...

اتوقع انها مبهورة من وفاء وحب

الزوج لزوجته ..
.............................

وياحلاة اسامي الاوليين ( موزة وحصة

وسبيجه وخزنه )

noor يقول...

اهم شي كمت على وجهها :)))))))

مو صج ..

بو سعد يقول...

اللقافة شلون قايلة ؟ خضرا ولا صفرا ؟

Nikon 8 يقول...

ReLaaaX
لووووووووووول
يعني كله متوقف على المحبة :)

Nikon 8 يقول...

nanonano
والله خوش هبة إذا كانت فعلا تعبر عن حب الزوج لزوجته :)
أما كاتبة المستوصف فهذا اللي باين عليها ... مسكينة .

Nikon 8 يقول...

غير معرف 1
الله يقدرنا إنشاء الله ... شكرا جزيلا
:)

Nikon 8 يقول...

-mate
ما كان قصدها المعني .... كانت تقصد إن الإسم وايد قديم على بنات الحين !

Nikon 8 يقول...

غير معرف 2
إشكرك على المعلومة القيمة
نورت اللي ما يعرفون معنى موزه
شكرا مرة أخرى :)

Nikon 8 يقول...

chandal/danchal!!
أكييييييييييييييد :)
مسكينة إنربط لسانها ما هقت جواب جذيه من زوج كويتي :))

Nikon 8 يقول...

غير معرف 3
فعلا فيه ناس تنتقد تسمية الأبناء على أسماء قديمة لأعتقادهم بأن فيه ظلم للصغار .... مع إن كل طفل يحلي إسمه :)

Nikon 8 يقول...

أتيت متاخرة
وإنتي بعد كبرتي بعيني لما سميتي على الوالده الله يحفظها لج :)

Nikon 8 يقول...

عنيف
أكيد ... والجواب كان خارج توقعاتها
الله يعينها

Nikon 8 يقول...

ميمة السبيت
يمكن صاحبة الإسم حلوة ومحلية الإسم بطبايعها وكلامها :)

Nikon 8 يقول...

um_alzain
في وقت الغوص كان إسم موزة شي عدل :)

Nikon 8 يقول...

غير معرف 4
نيكون إسم كامرتي المفضلة ... وإخترت هذا الإسم لأني ألتقط مواقف كما تلتقط كامرتي الصور :)

Nikon 8 يقول...

Sn3a
معنى إسم موزة معلومة خافية على كثير من الناس ... فرحت لما عرفت إنك إستفدي معلومة من بلوغي :)

Nikon 8 يقول...

lawyer
لوووووووووووووول
الريال على باله إنها بتشجعه على التصرف الحلو مع زوجته لوووووول
وما هقى إنها بتسوي جذيه :)

Nikon 8 يقول...

Manal
الله يسلمج يا الغالية :))

Nikon 8 يقول...

جنة الحواس
يا هلا فيج وحاضرين دايما لنشر الإبتسامة للجميع :)

Nikon 8 يقول...

Mamloo7a Q8ia
الأسماء الحديثة لها جمالها والقديمة لها عراقتها ... ما نبي أحد يزعل من إسمه :)
يا هلا فيج يا عزيزتي :)

Nikon 8 يقول...

أهل شرق
فعلا مبهورة وبنفس الوقت محترة على روحها .

Nikon 8 يقول...

noor
للأسف صح :)

Nikon 8 يقول...

بو سعد
ما ورا اللقافة غير الأذى والتعب :)

The.One يقول...

أستغـرب من الناس الي يقطون حجوة تغث الواحـد
الحيـن بنتـه حشاشه يوفه تعلّق على اسمها , والله فشله


أدري روايـة ماهو واقـع
بس صج فـي نـاس جـذي


وخـو فكرو بالكلمـة قبل لا تقولونهـا
وايـد شفـت مواقـف مطابقه لهالموقف



مشكورة

Nikon 8 يقول...

The.One
ما أقول إلا مثل ما قال أخوي بوسعد
اللقافة إشلون صايرة ؟ حمرة وإلا خضرة :)

رورو الشخبوطه يقول...

عاد احب هالاسم لان اسم اعز مخلوقه على قلبي بعد اميمتي الله يحفظهم ويطول بعمرهم وعمر امهاتكم يارب ..

وناسه الله يرزقني الريل اللي يحبني ويسمي كل بنات علي خخ طمع ..

خوش قصه ماشاءالله ..

مرسو خيتو..