الاثنين، 27 يوليو، 2009

والله سبب ؟؟؟

أقبل خده الصغير وأمازحه :
ما شاء الله عليك .... كبرت وصرت ريال .... ما كو إلا نزوجك ؟
يحمر خده ..... ويرد بإستحياء :
بس أنا ما عندي بشت قدي !!!
ضحكت من كل قلبي علي رده .... عدم توفر بشت على مقاسه الصغير هو السبب فقط !!!
وين راحت الزوجة المناسبة ؟
إدخار مبلغ مناسب للزواج ؟
تدبير مصاريف الزواج ؟
النضج والإستعداد النفسي الكافي للإستقرار مع زوجة ؟
ما في مشكلة بعقله الصغير ... المهم البشت !
يا ليت الموضوع بسهولة توفير بشت على المقاس !
قد يكون صغر سنة عذرا لهكذا جواب .... أما نحن ما هو عذرنا ؟
ترى كم من الأحلام والأمنيات الكبيرة نعتقد أن تحقيقها يكمن بحصولنا على أمور ثانوية قد تأتي تباعا بعد تحقيق ما نطمح إليه ؟؟؟

هناك 31 تعليقًا:

أتيت متاخرة يقول...

أي وربي يات على البشت

بصراحة كثير من الاحلام يتمنى الانسان تحقيقها ويعتقد بوجه أو بآخر أن الناقص لاكمالها جزء بسيط كالبشت

Enter-Q8 يقول...

تبين الصـج
وايـــــــــــــد
خصوصا عند هالجيل

الحــــٌر يقول...

بعض الأحيان يكون الخوف والمصير المجهول دافع لبعض الناس لإختلاق الاعذار حتى لو كانت ثانوية وتافهة ولكن هو يتمسك بها لأنها ستكون الجواب الذي يرد به ويرضي به نفسه

:)
دمتي بخير وعقبال ما يلقى البشت ويلبسه وتشوفونه معرس بإذن الله

دمتي بخير

AseeL يقول...

هو وضع البشت نصب عينيه ونسي الاهم..

ككثير من الناس
يخطئون الحسبة
يضعون الحلم نصب أعينهم
وينسون الايمان به




حتى نيكون كبر راسها وصارت ما ترد على زوار الدار شدعوة؟ ;)
ترى ماني مسولفة معاها (هني) بس بهون P:

فريج سعود يقول...

ييبوله يشت على قده وحاسبوه

غير معرف يقول...

سلم قلبه

الريال جاهز بالاساسيات مو باقي غير الكماليات

عطينا مثل , شنو قصدج بأخر سطرين ؟

Nikon 8 يقول...

AseeL
يا خلاف على شنو يكبر ؟؟؟
:)
تجدات ديكور الدار ومشاغل العطلة هي السبب .. فعلا في الفترة الأخيرة تأخرت بالرد على الجميع ... بس ترا الحين رديت وبوست هيا الرد كان على شكل تحديث .
بليز لا تحرمينا من سوالفكم لا خارج ولا داخل الدار :)
صباحك عسل ;)

Nikon 8 يقول...

غير معرف
وايد أشياء مثل :
أنجح بدراستي لو كان عندي مكتب أدرس عليه هذا مثال بسيط
وصباح الخير :)

Nikon 8 يقول...

فريج سعود
العيار ما أدري إشلون عرف إن ما في بشت قده :)

Nikon 8 يقول...

Enter-Q8
وهذا اللي يخوف
ومثال يعتقد إنه ينجح بمهنته لو كان يملك واسطة !
وهذا إعتقاد سائد عن معظم الجيل الحديث وبعض القديم
مع إني أعترف أنه لابد منها أحيانا كالبشت ولكنها ليست كل شيء!!
صباح الخير :)

Nikon 8 يقول...

الحــــٌر
يا صباح النور
فعلا وجهة نظرك بمحلها
شكرا :)
تشوف عيالك بعد معاريس :))

Nikon 8 يقول...

أتيت متاخرة
أول من علق وآخر من أرد عليها .... يشفع لي إني أمون عليك يا بنت البحرين العزيزة .... صباح الحلوى والقهوة :)
وكلامج صحيح :))

أتيت متاخرة يقول...

صباحج حلوى شويطر ومتاي متولي

صباحج كل شي بالدنيا

تمونين يا لغالية تمونين

خبرج اللحين كبران راسي وببدل أسمي لأني كله ايي مبجر ......

عنيف يقول...

اي زوجيه شنو المشكله عادي تزوجينه ترا انا ادور له عروس لووووول:q

نون النساء يقول...

وايد يا نيكون
عشان جذي ديمومةالزواج عند أجيالنا صارت ضعيفة

ميمة السبيت يقول...

** صباح الورد ..

مشالله العيال كبروا وين عيالنا اللي أول يحويون تحتنا الحين اصغرهم صار برابعه ثانوي و اللي قام يسوق سيارة الأيام تركض و كله من أعمارنا

Nikon 8 يقول...

أتيت متاخرة
مبجرة وإلا متأخرة كله حلو على قلبي :)

Nikon 8 يقول...

ميمة السبيت
فعلا العيال كبروا بس هذا لحد الحين صغير بعيوني :)

Nikon 8 يقول...

نون النساء
إي والله .... ومو بس الزواج الله يحفظهم وينور بصيرتهم :)

Nikon 8 يقول...

عنيف
عيل زهب البشت قبل العروسة :)

Fishah يقول...

واي يحلو سوالف اليهال

ياليت حلولنا للامور في بساطه تفكيرهم :)

الله يخليه ويحفظه من الشر يا رب :)

بنت الشامية يقول...

البشت اسهل شيئ....لو عليه محد قعد عازب.....ياحلو اليهال ويا بساطة افكارهم....شفتى الفرق بين عالمنا وبين
عالمهم عندهم بسيط سهل وما فيه تعقيدات او اي صعوبات

احنا اللى مصعبين الامور
مو يقولون كله ياريت قلبي قلب ياهل

ياااااريت
لوووول

كبرياء وردة يقول...

يسلم قلبه

فديته

انا عندي العروسه:p

انتوا بس جهزوا البشت

fatto يقول...

وااااي ياحلوه والله .. هذا مال الطخه بوس :) اسمالله عليه اهبل .. اذا يبت ابنيه انشاءالله ابيه حق بنتي .. حجزته لووول

bent el deera يقول...

يا زينه و ربي يحفظه :>

الله يخليه ان شاء الله ويبلغج فيه معرس وتلقون بشت قده حزتها :>

New Bride يقول...

وااااي يا حلو احلام الصغار
ياريت احلامنا الحين مثل احلامنا و احنا صغار ما تتعدى حدود غرفة العابنا

ام عبدالله يقول...

ماشاء الله
ويا بخته على تفكيره
فقير اكبر همه البشت
ما كبر وشاف الي ناطره
وسوري قلبت الموضوع ماساه :)))

أحمد الحيدر يقول...

صدقتي أختنا العزيزة .. كالعادة

تحياتي ..

reemas يقول...

عدم ترتيب الاولويات يبعدنا عن الواقعيه في التنفيذ و الوصول للهدف
بس تلقائية ردود الاطفال عجييييبة
ماكو هم في قلبهم الا اشياء بسيطة
وهذا الفرق بينهم و بينا
تحياتي

Nikon 8 يقول...

Fishah

الله يسلمج يا فشة ويخليج :))

:::::::::

بنت الشامية
إي والله وإنتي الصاجة يا ريت قلبنا قلب ياهل ولا نصعب شي
تحياتي لج :)

:::::::::

كبرياء وردة

إذا العروس موجودة ما عندي مانع نزهب البشت :)
لوووووووووووول
العروس أصعب شي تصدقين ؟

::::::::::

fatto

يا بختي صار حجز على وليدنا :)
كبرياء وردة بعد عندها بنت .... نخليه عيل بتنقي :)

::::::::::
bent el deera
آمين عسى الله يسمع منج
ويا هلا فيج عزيزة في دار عزيزة :)

Nikon 8 يقول...

New Bride
كل عمر وله أحلامه وتدرين إنه فاجأني إنه مفكر بالزواج أصلا :))

:::::::::

ام عبدالله

ما ني مخرعته خليه يفكر بالبشت كافي عليه بهذا العمر :)
لاحق على عوار القلب
تحياتي يا الغالية صار لج وقت طويل ما سيرتي علينا :)

::::::::::

أحمد الحيدر

يا هلا بك أخونا أحمد طولت الغيبة ؟

::::::::

reemas

نحتاج الكثير من تلقائية الأطفال
ومثل ما نتعلم منهم نحن أيضا نتعلم منهم
تحياتي الكبيرة لج :)