السبت، 6 مارس 2010

عطلة ... لندن


ها أنا عدت إليكم وكلي شوق لأحكي لكم ماذا فعلت وما حصل معي !
عطلة قصيرة قضيتها في عاصمة الضباب والمطر .... لندن
الجو كان باردا جدا مترافقا مع رياح أحيانا ورذاذ مطر ناعم ومستمر
نكاد لا نراه لكنه يبلنا تماما إن لم نتق منه بالشمسية
في البداية كنا مشتاقين للبرد الذي لم نشعر به هذه السنة في الكويت
فكنا نطلق عليه البرد المنعش ... نمشي بشوارع لندن بملابس نعتقد إنها تكفى
لكن تجمد أطراف أصابعنا وصداع البرد الذي أصابنا أقنعنا
بالإحتماء بالكوتات والقفازات والقبعات الصوف !
أتمشى بمحلات لندن العريقة والمميزة وأدعو بقلبي وأقول :
الله يعافي الشايع اللي جاب كل شي عندنا بالكويت
ولولاه لكنت كـ ( المزهوقة وخميت كل ما تقع عليه عيني ويعجبني ) !!!
صحيح أن العرض أحلى والبضاعة أكثر تنوع والقياسات والألوان متوفرة بشكل أكبر
إلا إن البضاعة هي نفسها ... نفس التفتيحة .... وبأسعار أحيانا أقل من لندن !
حسب ما إكتشفت بعد العودة عندما إضطررت لشراء فانيلة من ( GAP ) فرع الكويت لإهدائها لإبن عم إبني
أهم ملاحظة خرجت بها من هذه السفرة هي لباقة وكياسة مندوبات المبيعات والمروجات للبضايع وبخاصة التجميل
أدخل المتجر الشهير ( دبنهامز ) وتصادفني فتاة رشيقة تقف وحيدة
وتسألني بإبتسامة لطيفة : عفوا ... هل أستطيع أن أسألك سؤالا ؟
فأرد عليها : طبعا
هي : هل سمعت بالبحر الميت ؟
تسألني وهي تمشي وأرد عليها وأنا أتبعها : نعم
تصل لمكان قريب وتغرف من علبة ملحا خشنا وهي تقول :
هذا الملح من البحر الميت ... إفتحي يدك ... أريدك أن تدلكي به يدك لأريك شيئا يسرك
أسمع كلامها وأفرك الملح بيدي الثنتين ثم تصب على قليلا من الماء لتشطف الملح
وتشرح لي أن الملح يزيل طبقة الجلد الميت وينعم الجلد وتريني رغوة متخلفة من غسل يدي
وتقول هذا هو جلدك الميت ... طبعا أصدقها وأنا أتحسس نعومة يدي
ثم تمسك يدي وترطبها بقليل من الكريم الناعم
وهي تحثني لشراء هذا المنتج لأدلل به نفسي وأنعم ببشرة ناعمة كالأطفال
( شخصيا ما كنت محتاجة لهذا الحث لأن النتيجة أقنعتني تماما )
عندما إنتهت ربتت على يدي برقة وهي تقول تملكين يدا جميلة ... أحببتها
أحملق بيدي وأنا أسألها بإستغراب :
وما الجميل في يدي ؟
قالت : أحب الأيادي الصغيرة
إبتسمت لهذا الإطراء ليدي الصغيرة ( المتبتبة ) والبعيدة عن مقاييس الجمال وأنا أتذكر فناننا الكبير عبدالحسين عبدالرضا
عندما يسخر من يد الفنانة المرحومة مريم الغضبان ويقول
هذي إيد ... كأنها معجالة ؟!
إشتريت ما كانت تروج له من ملح وكريم وكلي رضا وإقتناع
خرجت أحمل كيسي وأنا أتذكر الفرق بين ترويجهم وترويجنا
وتذكرت مندوبات مواد التجميل في صيدلياتنا
عندما ( تتلقفني إحداهن من وجه الباب ) وتنط بوجهي قبل أن أفتح فاهي بالسلام
وهي تنتقدني بطريقة محبطة ... وتصدمني بسيل من العبارات المنفرة
وهي تجول بنظراتها عبر وجهي لإكتشاف الأخطاء السبعة
يا مدام ... حرام ... بشرتك مبقعة !
يا مدام مسامات وشك مفتوحة... أديكي غسول يسكرها !
يا مدام ... بصي ... جربي ده ... أصله راح يفتح السواد اللي تحت عينك !
وأيه رأيك بالشامبو ده ... جربيه ... وراح يوقف تساقط الشعر !
وآخ ...بس... لو نتعلم من سحر الإطراء
وإلا حسافة نونس بعضنا البعض ؟

هناك 36 تعليقًا:

reemas يقول...

ههههههه
حمدلله علي السلامه نيكون
خوش بوست حسين فيه ببروده الجو اللي مفتقدينها
فعلا التسويق فن
عليج بالعافيه

تحياتي

Seema* يقول...

أتمنى انج استمتعتي بوقتج هناك!

المقارنة صعبة رغم انها مو مستحيلة...والسبب ان اخلاقيات المهنة تختلف من مكان لي الثاني.

غير معرف يقول...

عفوا
لكن اعتقد لم تلاحظى هشى
ان المنتج اسرائيلى
وفتاة اسرائيلية

نفس موقف حصل معاى فى سنغافورة

غير معرف يقول...

عفوا
لكن اعتقد لم تلاحظى أن المنتج إسرائيلى

وفتاة ممكن اسرائيلية

ARTFUL يقول...

كلهم خذوا فلوسج

بس هذي وانتي مستانسه وهذي وانتي ضايق خلقج

عموما انتوا الحريم بسرعه ينقص عليكم

آسف بس هذا الصج

p;

شلونج اختي وشلون لندن عسى سلمتيلي على الجماعه وقلتيلهم اني مشتاق لديتكم

:)

رزنامــــــة يقول...

فرق السما عن الارض باساليب التسويق مابيننا وبينهم

قبل كم يوم نزلت في مدونتي اسلوب تسويقي بيعي ملفت للانظار في محلات GAP في كندا ، انصحك تشوفين التقرير
وبتحسين نفسك ودك تكونين بالمحل عندهم :)

الحمد لله على السلامة فقدناج الفترة الماضية :)

دمعة المقهور يقول...

الحمد الله على السلامة

نورت الديرة ، تصدقين انا لما أدخل مكان واشوف المندوبات ولا كأني اشوفهم والسبب طريقتهم يبيلهم دورات

:)

New Bride يقول...

الحمدالله على سلامتج و عليج بالعافية واااي لندن هالمدينة لا تصعد و لا تنزل عندي :)

صج اسلوبهم اينن و انا عندي انهم اخلا هالجم سنة متغيرين وايد

بس على طاري اللي يطلعون العيوب واااي صج صج اكره لما ادش مكان و يقولون لي بشرتج تعبانه و لا اطرافج سمره وع وع اكرهم

سلة ميوّه يقول...

حمدالله على السلامه

تو مانور البلوقر

واحنا ننطر
رايييحيييين رااااددددددييييين

رااايحييين رادييييين
واخيرا لقينا شي يديد :**
حمدالله على السلامه وعساج استانستي وبردتي على قلبج

وعلى طاري التروييييج
انا من اتشوفني واتقولي مدام بشرتج
اجعمها بأدب واقولها اعالج عند دكتور جلدية..

كانو ذيج الأيام يسكتون الحين وحياتج
سألتني اي دكتور وشنو عطاج!!!!

انا حدي تنرفزت..آخر خطه

اول ماقالت لي مدام مساماتج

قلت:
حبيبتي سدي مسامات ويهج ياقلبي اول تالي كلميني :)


تبين الصج..اكسرت خاطري واهي ادور منظره تبي اتشو ويهها..

ماكو الا اروح صيدليات لندن :P


حجه وحاجه ياخيتي



عوده حميده..واشتقنا
حبي:*

المقوع الشرقي يقول...

لحمدلله ع السلامة
نورت
بالفعل فيه فرق بالتسويق هناك وهنى واضح

اصلا شوفي الهدايا اللي وزعونها اهناك
وهدايا اهنى
اللهم بيضون

:)
دار العز
نبي بوست ثاني عن لندن
يعيشنا الاجواء ..بعيدا عن الغبار
:))

Nikon 8 يقول...

reemas

الله يعافيك دكتورنا وحياك الله :)

Nikon 8 يقول...

Seema*

كانت رحلة قصيرة لكن الحمدلله أحسن من ولا شي
تصدقين إن المندوبة ما سوت شي أقدر أقول إن موظفاتنا ما يقدرون عليه
ذرابة لسان ورقة في التعامل
وأعتقد إن كل إمرأة بداخلها هذه الصفات بالفطرة :)
لكن الله يسامح اللي علمهم إسلوب الدفاشة والإنقاد المزعج !

Nikon 8 يقول...

غير معرف 1

خلتيني أوسوس ورحت تأكدت من صناعة المنتج وطلع بريطاني :)

Nikon 8 يقول...

ARTFUL

يا هلا بأخوي والصج ما ينزعل منه
:)
لندن دايما حلوة بعيوني
ولو موصيني جان سلمت لك على الجماعة
خيرها بغيرها :)

Nikon 8 يقول...

رزنامــــــة

الله يسلمك وتقريرك شفته حده عجيب
أحب الأساليب الحلوة في البيع :)

Nikon 8 يقول...

دمعة المقهور

لوووووووووووول
اشوة مو بس أنا اللي أتضايق من أسلوبهم :)

Nikon 8 يقول...

New Bride

الله يسلمج
هههههههههه
يا كرهم لما يطلعون العيوب اللي ما أدري من وين ... كلش ما كو لباقة
:)

Nikon 8 يقول...

سلة ميوّه

الله يسلمج يا الغالية :)
لوووووووووووووول
كا هذا مندقة من المندوبات
وترا بلندن تشوفينهم في المجمعات التجارية وأماكن التجميل
يبيلج روحة حق لندن :)

Nikon 8 يقول...

المقوع الشرقي

الله يسلمج
راح أحاول إنشاء الله
غالي والطلب رخيص :)

chandal/danchal!! يقول...

الحمدلله عالسلامة وعليكم بالعافية السفرة بأناستها

:)


اللي بصيدلياتنا يكرهونج بعمرج وبالمنتج اللي يدللون عليه

مـي يقول...

الحمد لله على السلامة

نورت الكويت

:)

Sn3a يقول...

الحمدلله على السلامه

لول هالبنت نفسها يمكن اللي العام جربت فيني
عاد صج اذكر ان ايدي صارت ناعمه بس ماشريت;x

امبيه اللي هني
خاصه لما تيي اسويه تقول شنو تبيي هبيبتييي


ولا لما تيي وحده
ياحراام بشرتك جافه

انا قمت اقولهم مثل مايقولون
يننوني شسوي

مره وحده قالتلي مساماتك بدها علاج
قلتلها ويه انتي عندج جفاف بحنجج انصحج بكريم مجربته

لول

Manal يقول...

alsalam dear
:)

hope that you've had good time with the cold
:)

next time
let me know
and we'll meet

:)

غير معرف يقول...

نيكون قلبي ..فديت عمرج واحلات بوستج.. عموما
لاني احبج واحب بلوغج وصالي اشهر ماقريت ويوم ييت كاتبه عن عشيقتي لندن...ابي افيدج المنتج الاصلي من البحر الميت ومكوناته سي سولت واسرائيلي وانا انصح البنات الباحثات عن النضارا يشترون المد (الماسك) والسوب والسكرب لان عن تجربه صديقتي سعوديا سمراء البشره.. يفتح وينظف ويلمع البشره :) ولا زالت مستمرا عليهم .

تحياتي عاشقه لندن
دعواتكم لنا بالتوفيج في الدراسا والى اللقاء

aL-NooR . يقول...

الله على لندن ... الجو البارد ..
اقول حل ابوي مو جنه السنه ابرد من كل سنة ..يقولي على فكر النور كل تقولين نفس الحجوة ..لا صج صج بردهم مو صجي .. بس يستاهل العنوة



الترويج عندهم ..
مدروس بس وين اللي يتعلم

الحمدلله على السلامة
نورتي بيتج :*

**********************

أحمد الحيدر يقول...

عليج بالعافية .. ويا حبكن للتسوق :))

Nikon 8 يقول...

chandal/danchal!!

الله يسلمج يا الغالية
لوووووووول
صاجة والله وكل ما أشوف أحد يأيدني
أحمد ربي إني مو بس بروحي !
تصدقين مرة دخلت الصيدلية وما شفت المندوبة فقدتها وسألت عنها
تهقين هذي عيارة مني وإلا صج فقدتها
عاد إخذي أنقد عليهم وأتفقدهم ؟!!!

Nikon 8 يقول...

مـي

الله يسلمج ومنورة بالطيبين أمثالج وشرواج :)

Nikon 8 يقول...

Sn3a

ههههههههههههههه
مساكين ليش ناشفة معاهم ؟
الله يعينهم على هالمهنة ... ساعات يكسرون خاطري

Nikon 8 يقول...

Manal

وعليكم السلام حبيبتي منال
بشريني عنج وعن دراستج؟
إنشاءالله الأمور كلها زينة؟
تصدقين إني فكرت فيج بس خفت يكون عندج دراسة
حدنا إستانسنا في لندن والفترة اللي قعدنا فيها كانت مطر وبرد
مرة ثانية إذا قعدنا أكثر راح أتواعد معاج إنشاء الله :)
شكرا على الدعوة .

Nikon 8 يقول...

غير معرف 2

عاشقة لندن
يا هلا فيج يا الغالية
صارت زمان ما طليتي علينا
المنتج خذيت منه بس علبة واحدة
وإحدى الأخوات علقت وقالت إنه أصله إسرائيلي
ويوم تأكدت طلع المنتج اللي عندي بريطاني
عموما لحد الحين ما جربته
أنطر يكبس علينا الحر وأجربه
ختى يطير ملوحة الصيف عنا
وطار قلبي يوم قلتي يسوي لمعة
ترى ما لنا جبد على كل شي يلمع
:)
تحياتي يا الغالية
ويا هلا فيج دوم عزيزة :))

Nikon 8 يقول...

aL-NooR .

الله يسلمج :)
والمدونة والدار منورة بزوارها من أمثالج
وفعلا السنة لندن أبرد من كل سنة
وهالمرة إنتي الصح
سلامي للوالد:)

Nikon 8 يقول...

أحمد الحيدر

الله يعافيك
والتسوق بالنسبة لنا متعة وسبب للمشي ساعات بدون تذمر
ألا ترى معي إنه سبب وجيه حتى نطلق أرجلنا للرياح :)

chandal/danchal!! يقول...

LOL

انا بعد, امرار اوسع صدري عليهم

وحدة منهم اسألتني: بتستعملي اي نوع تونيك؟

قلتلها منظف الزجاج مال التعاون الثلاث امتيبين بتيب واحد على دينار... يا بلاش!

Nikon 8 يقول...

chandal/danchal!!

لوووووووووووووووووووول
المفروض المندوبات يسوون فينا بوست
وعن المقالب اللي نسويها فيهم
:)
يتروالي لو يصير صج جان نسمع العجب العجاب عن أرواحنا :))

ZooZ "3grbgr" يقول...

الحمدلله على سلامتج يالغاليه

ترى انا شريته بعد

خذيته مع فيشال سكرب

وايد حلو

مادري اذا نفسها ولا لأ بس ماكانت حاطه كحل اسود قوي؟