أعلن موقع للأخ مشعل الرومي أن أمطارا غزيرة مصحوبة بعاصفة رعدية سوف تحل علينا ضيفة خلال ساعات وتستمر حتى الغد راجيا أخذ الحذر والإحتياطات اللازمة .
ونحن في دار عزيزة نذكر القراء بالتالي :
1- التأكد من فعالية ( مداعيب ) المنزل .
2- التأكد من أن مرازيم المنزل سالكة ( مهمة جدا حتى لا يطفح السطح ويدخل عليكم الماء ) .
3- نشرالغسيل ما له داعي اليوم ( لا تفهموني غلط أقصد الملابس ) .
4- تجهيز طشوت وتبوب فاضية تحسبا لخرير من السطح ( فرصة للتأكد من شغل المقاول ) .
5- التأكد من ثبات مظلات المنزل ، دش الستالايت .
6- لا تنسون إغلاق الشبابيك وإحكام إغلاقها ( إحتياط : توفير كم فوطة لخرير الشبابيك ) .
7- الإنتهاء من توفير طلبات المدارس وأدوية الأطفال بسرعة لتقليل فرص الخروج من المنزل .
ما على الرسول إلا البلاغ وكل عام وأنتم بخير .
ملاحظة : ما حبينا نقول تسوء الأحوال الجوية ولكن بنقول المطر خير ويا مرحبتين كبار فيه ولكن الحيطة واجبة .
هناك 21 تعليقًا:
والمعرض التشكيلي اللي بالأفينيوز باجر
أبي اروووووووووووووووووح
عزيزتي nikon8 شكرا على النصائح وجهزنا التبوب والطشوت والفوط والغسيل مولزوم وصككنا الدرايش والبيبان وجهزنا الماجله من قرص عقيلي ودرابيل وبلاليط لزوم المحكر الاجباري وانتي ادرا بحبتين مطر بتفيض شوارعنا وتصير خباري انهر وشلالات ولا المطافيق بيحولون شوارعنا ساحات تزلق وسكي بالسيارات , وطق يامطر طق بيتنا جديد ومرزابنا حديد.
نون النساء
والله ما أدري شقول لك ....أخاف يصير فيضان وتغرق الشوارع مثل ذيك السنة .
إلا تطلع أخطاء في تنفيذ الأفينيوز ويخر السقف ويغرق السرداب .... المشروع لا زال قيد التنفيذ ما إنتهي .
إنشاءالله ما كو إلا العافية .
Nikon 8
شكرا على المعلومات القيمة عن الأنواء الجوية المحتملة
وأضيف ترسوا الجيت سكى بانزين لزوم المواصلات فى حال اشتداد الأمطار وطفوح الشوارع
um alzain
شوقتينا ... القعدة عندك تشوق .. شاي وقروضات بالليل والحين درابيل وبلاليط وقرص عقيلي .
nikon8 مشكوووووره على حرصج على المصلحه العامه :)))
بس نسيتي تذكرينا بالدعاء لان الدعاء بوقت المطر مستجاب باذن الله
بالنسبه لي راح ادعي حق كل اللي بالمدونه ان شاء الله بالتوفيق... وان شاء الله انتوا بعد تدعون لي
كويتية بحرينية
كلامك صحيح ... كان لازم أذكر الدعاء أول شي .
وجزاك الله ألف خير على الدعاء وراح ندعي لك إنشاءالله .
nikon8 انتي بس اوصفيلي بأي فريج دار عزيزه واي عاير والجابله ولا اللابله بتلاقيني بحوشكم ماده المده وصافه الغواري والمطاطير وكل الي يحبه قلبك من خبيصه وبيض القطا وجوامع والقروضات بس عليج تعزمين ام بزيع ولي يعزون عليج ,وعامر بأصحابه:))) كويتيه بحرينيه حضرت لسته دعوات ومجهزتها ومبرزتها وناطره هطول المطر عشان ادعيلك وكل زوار دار عزيزه daggero فعلا خوووش نصيحه بس الجت سكي زين للعزوبيه احنا جهزنا الدنجي مثل منت عارف عائلي يالله يوسعنا كلنا وشقلتنا ونقلتنا .
مشعل الرومي تنبوءاته مسمااار بلووح
فظيع هالولد الله يخليه لأهله
:)
ههههههههه
حلوه لا تفهموني غلط بسالفة نشر الغسيل .. أما اللي شاطرين بنشر الغسيل مالهم .. حكومتنا ومجلسناااا
:)
أما المداعيب والمرازيم فجيكنا عليهم عدل
مشكورة على التوصيات الهامه
وحرصج على المواطنيين
:)
أم الزين
يوم الغرقة الأخيرة فى 11\11\ 1997, فى شباب نزلو الجتات فى مناطقهم الغرقانة بس الدنجى أحسن علشان فيه مكان للقعدة والشاى والقروضات
كأنه تنظيف الأشغال للشوارع جاب نتيجة الأمور سالكة ,
ان شاء الله يكملون معروفهم وينظفون هالشركات والبنوك اللى داقة قبل لا يفوت الفوت
DiLLi O MiLLi
العفو أخيتي ، ونسينا نذكر بترك مسافات كافية للسائقين ... الله الحافظ
والأخ مشعل الرومي راح أسميه بشير الخير اللي بشرنا بالمطر ... والله يخليه لأهله آمين .
um alzain
مشكورة وما تقصرين ونقصتك إعتبريها واصله ... صج نقصة كويتية أصلية :)
أما أم بزيع الفتانة فراح نعزمها إذا رضوا عليها أهل الدار !!!
diggero الحمدلله ماحتجنا لاجت ولا دنجي للحين واتمنى تكون تنظيفات الاشغال للمناهيل وخطة الطوارئ تستمر لآخر الشتاء, وفي97 كلنا نذكر الجت سكيهات في برك الماء والشوارع وكان شي طريف وكما تعلم لاشي يوقف اهل الكويت وشبابها لمساعدة الغير او للوناسسسسسه عسى الله يحفظهم لاهلهم وياحلوهم.
عزيزتي nikon8 فعلا نسيت ان ام بزيع مغضوب عليها من اهل الدار ,سامحوها غصب عنها ملغوبه ومطفوقه بس سوالفها حلوه وشخصيتها طماشه ,وياحلات مطر اليوم وفعلا الاشغال يايبين اليهده الله يتمم عليهم وعيني عليهم بارده.
um alzain
أمنا عزيزة تسلم عليك وتقول واسطتك لأم بزيع مقبولة بس بعد ما تلوت أذان أم بزيع وتأدبها .
nikon8 الله يسلمها من الشر وعسى الله يعز شانها ويحفظها لأهل دارها وحبايبهاويطول بعمرهاويخليها لناذخرماماعزيزه, ام بزيع اي تستاهل قرصتين ولوتت اذان وعساها تتوب !!!
ام الزين والله مايسوى علي لما كتبت لكم بدعي لكم .. لاني صرت امشي وادعي كل خوفي اني اصير بس راعية حجي..
بس افا عليكم والله دعيت لكم من كللللللللل قلبي
nikon8 والله تذكرتج على الطشوت والتبوب لان بالدوام وين ماتمشين تلاقين تب ههههههه والخرير مستمر...
الظاهر عمال النظافه في دوامنا قاريين مقال مشعل الرومي ومزهبين الدوا قبل الفلعه
كويتية بحرينية
هذي تباشير المطر بس خلتكم تحطون تبوب !... الله يعينكم إذا جت العواصف الرعدية والأمطار الغزيرة اللي متوقعينها!!!
um alzain
آمين ما تقصرين يا الغالية :)
كويتيه بحرينيه لوووول , اشهد انك قول وفعل كثر الله من امثالك, اناآسفه سببت لك قلق, انشالله يتقبل الله منا ومنك ويعطيك الي يفرح قلبك !!
إرسال تعليق