اليوم هو يوم التروية ... أول أيام الحج ويصادف أيضا أول أيام المربعانية ... بداية الشتاء القارص .... الله :)
ما نوصيكم الملابس اللي تشترونها للبس وليس للتخزين في خزائن الغرف !
الشعور بلسعة خفيفة من البرد شعور لذيذ ....
وما ألوم أحد على ولهه لهذا الشعور من بعد شهور الصيف اللاهبة ...
ولكن تشرب الأجسام من هذا البرد .... نتائجه .... ؟
أقول ؟
وإلا تحبون تجربون بنفسكم إشلون صاير دور الإنفلونزا ؟
كيفكم .. ما أحب أضغط عليكم ..!
على العموم ...
الله يسهل على حجاجنا ويتقبل منهم .... آآآآممممييييين
ومبروك عليكم دخلة الشتاء :)
والفال لما نبارك لكم بنزول المطر السنع ... إنشاءالله
هناك 14 تعليقًا:
واللي يقولج اني ما اشتري شتوي كلش..
اللهم بس جاكيت أو بالطو اللي اشتريه
بس ..
لوهيب الصيف ارحم من طقطقة العظام
بس من غير غباااااااااااار
والمفترض يقرون عطلة البيات الشتوي
:P~
والله يسهل على الحجاج ان شاء الله ..
الحج سهالات ان شاء الله .. لكنه يصعب عليهم بس برمي الحجرات
صعدة الدرج والنزلة منه عذاااب حتى حق الشباب
Nikon 8
الأمور كلها تبشر بخير
والقبس تقول أن الفقع متوفر فى سوق الجمعة من 5 الى 15 دك الكيلو
بس مستورد
تبون تسون تلبات مايخالف
بس لازم كمفرميشن فيرست
أوووكى
Nikon 8
يمكن مرة ثانية هم طافت على , بس لما مارديتى قلت عسى ما حاشها دور الفلو ؟؟؟ لأنك لمحتى للموضوع
سلامات على كل حال
وعيدكم مبارك وكل عام وأنتى والعائلة الكريمة ورواد الدار بخير
daggero
كل عام وأنت بألف خير :)
الحمدلله ما فيني فلو ... بس حبيت أنبه ... خصوصا الصغار والمراهقين اللي ما ينلامون بفرحتهم بالبرد ...
بعضهم ما جرب إشلون يضر ويضيق الخلق لي سبب الفلو .
شكرا علي التفقد ...
:)
نون النساء
ما شريتي شي ؟
يا بختك فلتي من عزايم إفتتاحيات معارض المشاريع الصغيرة :)
أما الحجاج فمها سهلوا لهم يظل جهاد
الله يتقبل منهم ويرجعهم بالسلامة :)
كا عام وأنت بخير :)
daggero
الفقع المستورد من الجزائر والمغرب واللي جربه يقول الكويتي ألذ ... أمممم :)
ياحلاة البريدات المنعنشه والجو يششششششوق وناطرين المطر والبر والنوير,والفلو الله يبعده, وكما تفضل اخوي داجيرو الفقع في الاسواق يهبل وموسم يالله عساه خير علينا وعليكم وكل عام وانتم بخير وعيدكم مببببببببببببببببببببببببارك
um alzain
كل عام وأنت بألف خير :)
احلي شيئ عندى البرد امووووت على البرد......واموت على لسعته
كله على التعود انا مااحب الملابس الثجيله ...البرد عندى متعه
عدوي اللدود الحر...ههههههه
عيدج مبارك وعساج من عواده
والله يرد حجاجنا بالسلامه
كل عام و انت بخير
و عساكم تعودنه انتم و الاهل بالف صحة و سلامة
كل عام و انتم بخير
عيدكم مبارك و عساكم من عوادة
بنت الشامية
كل عام وانت بألف خير
وآمين الله يرد حجاجنا بالسلامة
وأهلا بك عزيزة في دار عزيزة
عقيلي الدار غير شكل مع الرهش والحلوى وخبز التنور في هالجو البارد الحلو ...
Enter-Q8
وأنت بخير وسلامة .. شكرا على التهنئة .. وأهلا بك عزيز في دار عزيزة :)
مطقوق
عساك من عايده ... شكرا على التهنئة وأهلا بك عزيز في دار عزيزة :)
إرسال تعليق