الخميس، 9 يوليو، 2009

سلامات

طفولتي كانت حركة دائمة لا تهدأ .... لا أجلس حتى أقفز مرة أخرى
أركض بالحوش الكبير مع أقراني .... نحيفة وخفيفة .... كما الريشة
كبرت وكبر جسدي معي وظلت روحي تحمل بداخلها الطفلة الرشيقة التي لا تهدأ من الحركة
لم أستوعب أنني كبرت .... وإن ما كنت أعمله بسهولة بطفولتي لا أتحمل أداء ربعة .... كالشقلبة والكوكسة !!!
عملنا كمهندسين لا يعرف إختيار الجو الجميل للإطمئنان على سير العمل
ولا التأجيل بحجة فصل الصيف وموسم الإجازات
حتمت ظروف عملنا أن نخرج مع مديرنا كمجموعة لا بأس بها لتفقد أحد المشاريع الإنشائية المهة
الإستعداد كان كما يجب ..... ملابس خفيفة مناسبة للموقع وبألوان فاتحة باردة
حذاء رياضي مريح .... خوذة للسلامة
وشرب كوب كبير من الماء قبل النزول للموقع ( مهم جدا لتفادي الجفاف وضربة الشمس )
جولتنا كانت ناجحة .... والعمل مثلما نريد تماما
في نهاية الجولة وإستعدادنا لمغادرة الموقع
تجمع الجميع أمام المدير لسماع آخر التعليمات والملاحظات
كنت أقف على عتبة ارتفاعها 50 سم ... يداي معقودتان على صدري أستمع بإهتمام لمديري
لا أعلم لماذا تحركت روح الطفلة بداخلي وأغرتني للقفز من العتبة لأقف على الرمل بجانب مجموعتي
قفزت ..... وتزحلقت رجلي تحتي.... وقعت على ركبتي..... يداي لازالتا مكتوفتان على صدري ..... تكورت مثل وضع السجود
ركبتي مثنية تحتي .... ....أهز جسدي .... أحاول أن أعدل وضعي .... وأنا خائفة على يداي وركبتاي
فصرت أنقلب .... تارة لليمين .... وتارة للشمال .... وأنا متكورة .... أتدربح بالرمل أحاول أن أعدل وضعي
كنت كالخنفساء البرية السوداء عندما تنقلب على ظهرها ولا تعرف كيف تعدل وضعها !

أخيرا جلست ... فككت يدي المعقودة على صدري .... مددت رجلاي بصعوبة
هي ثواني معدودة ولكنها بالنسبة لي كانت دهرا
كنت أعابل بروحي بدون مساعدة أحد .... لا أسمع إلا ووواي .... وووي ... وأأأأأأأأأأأوه ... أأأأأأأأأأأأأوه ... أأأأأأأأأأوه
عفرتي بالرمل خلت الرمال.... تغطيني من فوق إلى تحت !
يتصبب العرق من كل جسمي .....عرق الحر ... وعرق الفشلة من شكلي وأنا أتقلب بالرمل أمام مديري وزملائي وزميلاتي وأفرادا طاقم المقاول !
تمزق البنطلون ناحية الركب .... تصببت الدماء من ركبتاي
زميلاتي ساعدنني على الوقوف ... والمشي لأركب الباص
أما زملائي ومديري فكانوا يتفرجون ..... ما بيدهم شي ..... ولما وقفت تسابقوا بالكلمات
ألف لا بأس عليك .... الحمدالله على السلامة .... سلامات !!
كنت أشعر بآلام جسدي .... وآلام روحي ..... وكان بداخلي حنق على ما أدري إيش ؟
فكنت بيني وبين نفسي أهزأ من كلماتهم وأقول : سلامات طل .... تزلقت وتعورت ... أي سلامات ؟؟؟
جلست بداخل الباص زميلاتي يخففن علي الموقف المحرج وأنا أفكر
صحيح إنه موقف محرج ..... لكن عزت علي نفسي وكسرت خاطر روحي وما سوت علي نطة !
إيييييييييييييييييه
خلف الله عليّ .... لو كنت أنا نور أو لميس أو شهرزاد ... جان ألف من لقفني وسمى علي وزخني للمستشفي .... لكن الله كريم !!!

هناك 60 تعليقًا:

um_alzain يقول...

خطاج السوء يا الغاليه
لووووووووووووووووول
موقفج لاتحسدين عليه
بس اشلون وصفج شيق وممتع
والله اني مو قادره ابطل ظحك

كنت كالخنفساء البرية السوداء عندما تنقلب على ظهرها ولا تعرف كيف تعدل وضعها
لوووووووووووووووووووووووووول
الله يغربل ابليسج
سامحيني فصلت على هل جمله
كل طيحه وانتي بخير

أهل شرق يقول...

سلامات

غير معرف يقول...

سلامتج

الله يالفشله شلون بتواجهينهم بالدوام

يتراوالي كل ما يشوفونج بيضحكون(:

لو واحد منهم لقفج تكون جريمة هتك عرض

وشيفكهم من زوجج

ضحكتيني بهالليل الله يونسج دنيا وآخره

7osen يقول...

هههههههههه

صراحة موقف صعب واايد ومحرج مو وايد ، إذا في أكثر من الوايد فهو أكثر من الوايد

خصوصاً امام هذا الجمع

يعني ما لقت هالطفلة إللي داخلج تنط إللي بهاللحظة وبهالموقف

بس يالله ما عليه الشي إذا صار لازم نتعداه بسرعة لأنا ما نملك نغيره

ويعتبر هالموقف تجربة بعد ، أكتسبتي خبرة التصرف في حال ( الطيحة )

وماتشوفين شر إن شاءالله وسلامتج
:)

غير معرف يقول...

اسم الله عليك

تكبرين وتنسين (:

وين زميلاتك ليش محد ساعدك منهم

عسي ما تعورتي ؟ ديري بالك الرضه تبين تالي

الله يعينك . تطيحين بمواقف كل واحد اكبر من الثاني

الزين يقول...

ياصباح الطيحات العجيبه

:)

واللحظات الكوميدية

لا تزعلين مني بس وصفج للموقف خلاني اضحك



تصدقين انا ياما طحت طيحات جايده وبأماكن عامه وجدام خلق الله وتعورت

وتزلقت

بس ما اهتميت بالطيحه كثر سدحتي جدام الناس

ويسئلوني تعورتي

أهز راسي اللي لآ يعني
وانا بمووووت من العوار

واقوم من مكاني الملم غريضاتي وامشي يا جبل ما يهزك ريح

بس عطيني عشر دقايق ابتعد عن مكان الطيحه ولحقيني بالكلنكس

دموعي تخر

مو من العوار
من الفشله

:)))))


ترى احنا مساكين البنات

وايد يهمها الأيميج مالنا



نيكون

انا ادمنت بوستاتج مع قهوة الصبح

لا يوقف بليييز

U know WHO يقول...

سلامات سلامات خطاج السو يا نكون..

أبييييه أعتقد ألام الطيحه تهون جدام ألام الفشلة ..
بس لايضيق خلقج ترى هذي من عوامل شمس الشموسة ؛)

ذكرتيني بزلقتي وانا حامل بالسادس زلقة أصلية تقولين مسويه سكي .. لا وبالشارع .. نمت على ظهري وانسدحت ؛)

مابقى أحد ما طل بويهي مخترعين ..
موقف .. محررررررج ..
بس مضحك لما تذكرينه بروحج :)

على قولتج .. لا مهند ولا يحيى يجابلونج ..
يا خلاف ..

Sweet Revenge يقول...

خلف الله عليّ .... لو كنت أنا نور أو لميس أو شهرزاد ... جان ألف من لقفني وسمى علي وزخني للمستشفي .... لكن الله كريم !!!



لوووول الموقف الصراحة رهيب بس مساكين يمكن حسوا انج بخير ماله داعي مستشفي
المهم الحمد الله علي السلامة وتكبر وتنسي يا جميل ;)

ARTFUL يقول...

سلامات ما تشوفين شر

جان ضحكتي وخليتي الموقف حلو

D;

ما عليه الله يشافيج ويعافيج

محد القفج امرج لله ،، هذا الجكر وما يسوي p;

Mamloo7a Q8ia يقول...

سلامات يالغاليه سلامات
وتسوين الف لميس والف شهرزاد
:)

esTeKaNa يقول...

يا صباح الكوكسه والشقلبه
:)
واي ضحكتيني
لووووووووووول
يا بعد قلبي قلبج
ليش حسيتها نفسها ذات البنشر تعيش الحظ
:P~

I7na 3shagnaha يقول...

الف لا باس عليج
:))

Hope يقول...

وي وي وي
الف سلامه ، خطاج السو
صج ما سوت عليج هالنطه
يالله ميخالف تعيشين و تاكلين غيرها

بس بصراحه وصفج عجيب ، و تشبيهاتج الخياليه مو صج

و الاحراج ... واييي قممة الفشله .. لو انا منج جان تمنيت الارض تنشق و تبلعني

بس تحاتين تكبرين و تنسين ان شاء الله
p=

Sn3a يقول...

heheheh
سلامات

وليش النطه هذي حده لا وقته ولا مكانه
ميخالف الواحد شلون ايمع ذكريات
من هالسوالف

nanonano يقول...

موقف لا تحسدين عليه

و سلامـــــــــات

بس هم حمدي زميلاتج ساعدوج

لو أنا من ضمن هالزميلات..جان لي الحين أضحك

عنيف يقول...

خطاج السو يا العزيزه

وما اقدر اقول الا لوووووووووووووووووووووووووووووووووووووووووووووووووووووووووووووووول

كنت كالخنفساء البرية السوداء عندما تنقلب على ظهرها ولا تعرف كيف تعدل وضعها


لو كنتي لميس ولا نور ومادري منو هالاسامي جان قبل لا تفكرين تطيحين اهم لاقفينج لووول

RoOra يقول...

LOl';$
حمدالله على سلامتج :$
ذكرتيني بسالفه بايخه صايرتلي وحده على غشمره ساحبه الكرسي و مطيحتني جدام الله و خلقه بالكلاس ;X

أنا اقول شحقه حابتج طلعتي نفس فصيلتي انجنيره ;p~

سوق الفرضه يقول...

لووووووووووووووول

سلامات سلامات

The.One يقول...

صاجـه والله لو لميس ولا غيرها جان سيده تلاقطوج .. الرياييل يمـا منهم


بـس تبين الصج !


ساعات الواحد لما يشوف شي قباله يتيبس ويثبت بمكانه مثل المسمار
ولا يعرف شيسوي من الصدمــه




خطــاج السو حبيبتـي ,كل شي ولا كاتبتنا عاد

أُمْ حَــسَـــنْ يقول...

ههههههههه
خطاج السووو و ماتشوفين شر ان شاء الله ..عساج أحسن الحين ؟

ماعليه تكبرين و تنسين
Pp;

Salah يقول...

سلامات

*Being One يقول...

لووووول موقف لا يحسد عليه P:
انشالله الحيين اوك =)

حياتي هدف مو عبث يقول...

سلامات سلامات
المفروض تستمعين حتى بالطيحة :)
عاد بخاطري يصير عمري 4 سنوات
أرجع ألعب نفس اللعب
بس وين هههههههه
:)
شلونج الحين عسى أحسن ؟
:)
قريت البوستات السابقة
ومادري شقولج
لكن في كل بوست شيء يجذب للتكملة
ماشاء الله عليج ..
:)
الله يحفظج

عبدالرحمن يقول...

سلامات انشالله ماعليج الا العافيه

الطيحه صج فيها احراج بس تعطي صدمه تجدد الحياه :)

ماله شغل بس مادري حسيت جذي

Nikon 8 يقول...

um_alzain
خطاج اللاش يا الغالية :)
لووووووول
وإنتي بخير ... نكبر وننسى إنشاء الله

Nikon 8 يقول...

أهل شرق
الله يسلمك يا شرقاوي :)

Nikon 8 يقول...

غير معرف 1
يا ساتر هتك عرض مرة وحده؟!
:)
صج منقص وجهي منهم وكل ما أشوف واحد منهم يضحك وينزل راسه :\

Nikon 8 يقول...

7osen
الشر ما يجيك ... ما قصرت
لو أطيح ألف مرة ما أكتسب غير خبرة إشلون أداري فشلتي وبس :)

Nikon 8 يقول...

غير معرف 2
الموقف صار بثواني
والفعرة بالرمل دقايق قليلة!
وزميلاتي أسمعهم يصارخون وساعدوني بالوقفة والمشي للباص :)
الرضة لازلت أعاني من بقاياها
شكرا جزيلا :)

Nikon 8 يقول...

الزين
يا مسا الفاكهة الشهية الباردة:)
لا ما أزعل أدري إن الموقف يضحك ويفشل بنفس الوقت ... ولازلت أضحك تالي أعض على براطمي من الفشلة :)
وطيحاتنا ما أدري ليش مو مثل المسلسلات التركية لي طاحت البطلة ... الشعر مكتكت إشحلوة
والمكياج مثل ما هو إزينه
والملامح حتى في ألمهم حلوين !
الله لا يراويج شكلي بعد الطيحة أشوة محد صورني جان مو بعيد ألاقيها باليوتيوب !

Nikon 8 يقول...

U know WHO
الله عداك الشر طيحتج أجيد من طيحتي !
لنا الله .... الله الحافظ :)

Nikon 8 يقول...

Sweet Revenge
الله يسلمج يا الغالية :)
وياما طحنا لكن هالطيحة غير !

Nikon 8 يقول...

ARTFUL
وين كنت أقدر أضحك من الألم والفشلة !
لووووووووول
جكر ؟!
الله يسامحك :)

Nikon 8 يقول...

Mamloo7a Q8ia
الله يسلمج يا عزيزتي :)
وشكرا على الإطراء ... وإنتي وكل قارئاتي إنشاءالله نسوى ألف نور ولميس بعيون من يحبونا :)

Nikon 8 يقول...

esTeKaNa
يا مسا نسمات البحر المنعشة :)
لووووووول
ملاحظة بمكانها :))

Nikon 8 يقول...

I7na 3shagnaha
الله يسلمج يا عزيزتي :)
الله لا يراويج موقف مثله :)

Nikon 8 يقول...

hope
الله يسلمج يا الغالية :)
فعلا تمنيت الأرض تنشق وتبلعني !
عبرتي عن اللي بقلبي بالضبط :)

Nikon 8 يقول...

Sn3a
أنا أدري ؟
في أمور تصير لج وإنتي من غير سبب
والحمدالله عدى الموقف على خير :)

Nikon 8 يقول...

nanonano
إي والله محد يحسدني عليه !
حتى بعض زميلاتي ما قدروا يوقفون ضحك :))

Nikon 8 يقول...

عنيف
خطاك اللاش :)
لووووووووول
إيه والله وإنت الصاج :)

Nikon 8 يقول...

roora
الله يسلمج ... ما قصرتي :)
أبيخ وأخطر غشمرة هذي اللي سووها زميلاتج فيك ... ديري بالج :)

Nikon 8 يقول...

سوق الفرضه
الله يسلمك :))
ويا هلا بك في دار عزيزة :)

Nikon 8 يقول...

the one
خطاج اللاش يا الغالية ما قصرتي :)
وفعلا الصدمة تشل التفكير والحركة :))
تحياتي :)

Nikon 8 يقول...

أُمْ حَــسَـــنْ
الله يسلمج يا الغالية:))
لوووووووووول
يا مالنا من الطيحات :)
بس الله يكافينا الشر :)

Nikon 8 يقول...

صلاح
الله يسلمك ما قصرت :)

Nikon 8 يقول...

being one
الحمد لله الحين وايد أحسن:))
الرضة والتزلق أهم أجيد شي !

Nikon 8 يقول...

حياتي هدف مو عبث
مع تعليقاتكم أنا مستمعة بالطيحة
لكن من أروح الدوام وأشوف زملائي أفتشل !
لكل عمر لياقته :)
والحمدلله الحين أنا وايد احسن :)

تسلمين يا الغالية :))

Nikon 8 يقول...

عبدالرحمن
الله يعافيك ويسلمك يا عزيزي
ويا هلا فيك :)

Yin مدام يقول...

سلامات وما يشوف كبريائج شر
لأني أعتقد كبريائج تعور أكثر من جسمج
:))

خطاج السو :) وعساها آخر الطيحات :)

ويا شينا واحنا مصدقين عمرنا للحين بالتعشات :)


مرة ماشية مع بنت خالي في المستوصف ولا تطيح ذيج الطيحة الجايدة جدام انتظار الرجال وانكسر كعب صندلها
الكل انبهر وسكت بس تحسين فيهم ضحكة
لأنها لابسة عباية راس وطارت جنها بات مان وتكورت على الأرض :))
ويوم قامت.. شالت كعبها بيدها وبكل هدوء لفت عبايتها وعدلت عمرها
وقالت لي بصوت عالي: وي إسم الله علي تعرجبت وبغيت أطيح @@

الكل نطرنا نمشي وبعدين ضحكوا وأنا الله وكيلج من يوم قالت جملتها الشهيرة لين وصلنا البيت أكعكع :)))

daggero يقول...

Nikon8

سلامات يامهندستنا الغالية

وين مسئول الأمن والسلامة
ليش الموقع غير أمن

وين صندوق الأسعافات الأولية ؟؟

والطابوقة 50 سم ؟؟؟ شقاعدين تبنون الأهرامات ؟؟

Nikon 8 يقول...

daggero
الله يسلمك من كل شر
حوادث المواقع وارده والإسعافات الأولية موجودة لكني بعد ما قمت فضلت أروح للباص ... إشلون أطلع إركبي جدام كل هالعيون ؟
وبعدين الفشلة كانت طاغية على الحدث :)
ومسؤولين الأمن والسلامة سلامتك وتعيش شغلهم بس شوية إرشادات مكتوبة وصندوق الإسعافات والخوذة فقط لا غير
وهذا إذا تشرفوا وزاروا الموقع لأنهم يداومون بالمكاتب !!!
فعلا إرتفاع العتبة كان كبير .... والموقع يحتاج لدفان لتقليل إرتفاع المبنى .... بينت صج مهندس :)
شكرا وما قصرت
وصباح العفو العافية :)

Nikon 8 يقول...

مدام ين
لووووووووووووول
يا خف طينة بنت خالج
هههههههههه
ضحكتيني من الصبح .... عليها روح رياضية عاليه ... الله يحفظها من شر الطيحات :)
وإنتي الصاجة أكثر ما تعور هو كبريائي !
صباح الهنا والعافية :)

نون النساء يقول...

خطااج السو يا بنت عزيزة


ان شاء الله بالعدوو واللي مايحبج..





ايام الطفولة العصاقل تساعد
بس من كبرنا اختفت العصاقل @@
وصارت النطنطة عيارها مو مثل عيار الطفولة

:P~



رياييلنا الظاهر انحرجوا منج ولا مو عشان لميس ترا حريمنا خط احمر هههههههه :P~

4 يقول...

تحفة ... ماعليج .. أهم شي شباب الروح ..

وهم سلامات .. شلون ريولج الحين؟

star يقول...

خطاج السوء وسلامتج وصفج للموقف وايد يضحك مع ان الموقف يعور يا كره الطيحة على الركب لأني حاسه فيج

أمس من العيله الي فيني ما شفت طاولة قهوة صغيرة ورفستها بركبتي الحين فيها صعرورة حمرة جنها تشيري توميتو غير العوار ..

حلوة الجرأة وانج تنطين من مسافه مرتفعة شوي تعطي شعور بالبطولة و الانجاز .. بس لو مأجلتها مو جدام جمهور غفير جان ما صار الي صار .. هاذي أكيد نظلة عين قوية الي طحتي هالطيحة الجايده ..

Nikon 8 يقول...

star
خطاج اللاش عزيزتي :)
الطيحة ممكن تكون نظلة وممكن تكون تهور مني وهذا الأرجح :)
سلامة ركبك من الصعارير :)
ما تشوفين شر :))

Nikon 8 يقول...

4
الله يسلمك :)
ريولي لا زال فيها عوار خفيف
لكن الحمد لله أحسن من قبل
وشباب الروح مو كافي بعد هالطيحة :)

Nikon 8 يقول...

نون النساء
خطاج اللاش يا الغالية :)
اله يسمع منك ويصير بعدوي مثل ما صار لي
لووووووووووووووول
والعصاقل صارت من ذكريات الماضي
ورياييلنا ما أشره عليهم أدري الوضع محرج
هههههههههههههه
يا هلا فيج :))

بو سعد يقول...

سلامات و ما تشوفين شر

يا كثر اللي ودنا نسويه و ما نقدر .. محد ياخذ زمانه و زمان غيره

:)

رورو الشخبوطه يقول...

سلامات ماتشوفين شر يارب ..

خخ والله لو لاقفينج جان استحيت اكثر من الطيحه..

انا لي طحت اقوم اضحك ارقع الموقف بس اخر مره طحت ضحكت شوي وكملتها بجي لانه تعورت اح..